سورة التكوير

وَلَقَدْ رَآهُ بِالْأُفُقِ الْمُبِينِ

اور بلاشبہ یقیناً اس نے اس ( جبریل) کو ( آسمان کے) روشن کنارے پر دیکھا ہے۔

* یہ پہلے ذکر گزر چکا ہے کہ رسول اللہ (ﷺ) نے حضرت جبرائیل کو دو مرتبہ ان کی اصل حالت میں دیکھا ہے، جن میں سے ایک کا یہاں ذکر ہے۔ یہ ابتدائے نبوت کا واقعہ ہے، اس وقت حضرت جبرائیل (عليہ السلام) کے چھ سو پر تھے، جنہوں نے آسمان کے کناروں کو بھر دیا تھا۔ دوسری مرتبہ معراج کے موقعے پر دیکھا۔ جیسا کہ سورۂ نجم میں تفصیل گزر چکی ہے۔