سورة ص - آیت 20

وَشَدَدْنَا مُلْكَهُ وَآتَيْنَاهُ الْحِكْمَةَ وَفَصْلَ الْخِطَابِ

ترجمہ عبدالسلام بھٹوی - عبدالسلام بن محمد

اور ہم نے اس کی سلطنت مضبوط کردی اور اسے حکمت اور فیصلہ کن گفتگو عطا فرمائی۔

تفسیر احسن البیان - حافظ صلاح الدین یوسف رحمہ اللہ

1- ہر طرح کی مادی اور روحانی اسباب کے ذریعے سے۔ 2- یعنی نبوت، اصابت رائے، قول سداد اور فعل صواب۔ 3- یعنی مقدمات کے فیصلے کرنے کی صلاحیت، بصیرت وتفقہ اور استدلال وبیان کی قوت۔