سورة القمر - آیت 18

كَذَّبَتْ عَادٌ فَكَيْفَ كَانَ عَذَابِي وَنُذُرِ

ترجمہ عبدالسلام بھٹوی - عبدالسلام بن محمد

عاد نے جھٹلادیا تو میرا عذاب اور میرا ڈرانا کیسا تھا ؟

ابن کثیر - حافظ عماد الدین ابوالفداء ابن کثیر صاحب

کفار کی بدترین روایات اللہ تعالیٰ خبر دیتا ہے کہ قوم ہود نے بھی اللہ کے رسولوں کو جھوٹا کہا اور بالکل قوم نوح کی طرح سرکشی پر اتر آئے ، تو ان پر سخت ٹھنڈی مہلک ہوا بھیجی گئی ، وہ دن ان کے لیے سراسر منحوس تھا ، برابر ان پر ہوائیں چلتی رہیں اور انہیں تہ و بالا کرتی رہیں ، دنیوی اور اخروی عذاب میں گرفتار کر لیے گئے ، ہوا کا جھونکا آتا ان میں سے کسی کو اٹھا کر لے جاتا ، یہاں تک کہ زمین والوں کی حد نظر سے وہ بالا ہو جاتا ، پھر اسے زمین پر اوندھے منہ پھینک دیتا ، سر کچل جاتا ، بھیجا نکل پڑتا ، سر الگ ، دھڑ الگ ، ایسا معلوم ہوتا گویا کھجور کے درخت کے بن سرے ٹنڈ ہیں ، دیکھو میرا عذاب کیسا ہوا ؟ میں نے قرآن کو آسان کر دیا جو چاہے نصیحت و عبرت حاصل کر لے ۔