سورة الحجر

قَالَ فَاخْرُجْ مِنْهَا فَإِنَّكَ رَجِيمٌ

فرمایا پھر اس سے نکل جا، کیونکہ یقیناً تو مردود ہے۔

ابدی لعنت پھر اللہ تعالیٰ نے اپنے حکم کا ارادہ کیا جو نہ ٹلے ، نہ ٹالا جا سکے کہ ’ تو اس بہترین اور اعلی جماعت سے دور ہو جا تو پھٹکارا ہوا ہے ۔ قیامت تک تجھ پر ابدی اور دوامی لعنت برسا کرے گی ‘ ۔ کہتے ہیں کہ اسی وقت اس کی صورت بد گئی اور اس نے نوحہ خوانی شروع کی ، دنیا میں تمام نوحے اسی ابتداء سے ہیں ۔ مردود و مطرود ہو کر پھر آتش حسد سے جلتا ہوا آرزو کرتا ہے کہ قیامت تک کی اسے ڈھیل دی جائے اسی کو یوم البعث کہا گیا ہے ۔ پس اس کی یہ درخواست منظور کی گئی اور مہلت مل گئی ۔