سورة المآئدہ

وَلْيَحْكُمْ أَهْلُ الْإِنجِيلِ بِمَا أَنزَلَ اللَّهُ فِيهِ ۚ وَمَن لَّمْ يَحْكُم بِمَا أَنزَلَ اللَّهُ فَأُولَٰئِكَ هُمُ الْفَاسِقُونَ

اور لازم ہے کہ انجیل والے اس کے مطابق فیصلہ کریں جو اللہ نے اس میں نازل کیا ہے اور جو اس کے مطابق فیصلہ نہ کرے جو اللہ نے نازل کیا ہے تو وہی لوگ نافرمان ہیں۔

ف 7 انجیل کے مطابق ٹھیک ٹھیک فیصلہ کرنے کے معنی یہ ہیں کہ انجیل میں جو نبی آخرالزمان (ﷺ) کے متعلق پیش گوئیاں اور دلائل موجود ہیں یا ان کو چھپانے ان کی غلط تاویلیں کرنے کی کوشش نہ کریں یا یہ کہ نزول انجیل کے وقت جو نصاریٰ تھے ان کو یہ حکم دیا گیا تھا بعض نے یه لکھا ہے كه یہ آیت منسوخ ہے اور ان کو یہ حکم اس وقت تھا جب نبی (ﷺ) کی بعثت نہیں ہوئی تھی آپ (ﷺ) کی بعثت کے بعد پچھلی تمام بعثتیں منسوخ ہوگئی ہیں (کبیر، قرطبی)