ف 13 جمہور مفسرین کے نزدیک یہ سورۃ مکی ہے اور بعض نے اسے مدنی قرار دیا ہے۔ حضرت ابومزینہ داری سے روایت ہے کہ نبی ﷺکے صحابہ میں سے دو آدمی جب آپس میں ملتے تو اس وقت تک جدا نہ ہوتے جب تک ان دونوں میں سے ایک دوسرے کو سورۃ العصر پڑھ کر نہ سناتا پھر وہ ایک دوسرے کو سلام کر کے جدا ہوتے۔“ (فتح القدیر بحوالہ بہیقی طبرانی) امام شافعی فرماتے ہیں :” اگر صرف یہی سورۃ نازل ہوتی تو لوگوں کے لئے کافی ہوتی، اس لئے کہ اس میں تمام علوم آگئے ہیں۔ (روح المعانی)