سورة البينة

بِسْمِ اللَّهِ الرَّحْمَٰنِ الرَّحِيمِ

اللہ کے نام سے جو بے حد رحم والا، نہایت مہربان ہے۔

ف 5 جمہور مفسرین کے نزدیک یہ سورۃ مدنی ہے اور بعض اسے مکی کہتے ہیں۔ صحیحین میں حضرت انس(رض) سے روایت ہے کہ رسول اللہ (ﷺ)نے حضرت ابی بن کعب سے فرمایا : اللہ تعالیٰ نے مجھے حکم دیا ہے کہ تمہیں سورۃ لَمْ يَكُنِ الَّذِينَ سنائوں؟ انہوں نے عرض کیا :” کیا اللہ تعالیٰ نے میرا نام لیا ہے؟“ فرمایا :” ہاں“ یہ سن کر حضرت ابی (خوشی سے) رونے لگے۔ (فتح القدیر)