سورة الرحمن - آیت 78

تَبَارَكَ اسْمُ رَبِّكَ ذِي الْجَلَالِ وَالْإِكْرَامِ

ترجمہ عبدالسلام بھٹوی - عبدالسلام بن محمد

بہت برکت والا ہے تیرے رب کا نام جو بڑی شان اور عزت والا ہے۔

تفسیر اشرف الہواشی - محمد عبدہ لفلاح

ف 5 حضرت عائشہ(رض) سے روایت ہے کہ آنحضرت(ﷺ) نماز سے سلام پھیرنےکے بعد صرف اتنی دیر (قبلہ رخ ہو کر) بیٹھتے تھے جتنی دیر میں آپ زبان سے یہ الفاظ ادا فرماتے : (‌اللَّهُمَّ ‌أَنْتَ ‌السَّلَامُ وَمِنْكَ السَّلَامُ، تَبَارَكْتَ يَا ذَا الْجَلَالِ وَالْإِكْرَامِ) اے اللہ ! تو ہے سلامتی والا اور سلامتی دینے والا اے بزرگی و برتری کے مالک ! تو بابرکت ہے۔( ابن کثیر بحوالہ صحیح مسلم)