سورة الشعراء - آیت 139

فَكَذَّبُوهُ فَأَهْلَكْنَاهُمْ ۗ إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ

ترجمہ عبدالسلام بھٹوی - عبدالسلام بن محمد

پس انھوں نے اسے جھٹلا دیا تو ہم نے انھیں ہلاک کردیا، بے شک اس میں یقیناً ایک نشانی ہے اور ان کے اکثر ایمان لانے والے نہیں تھے۔

تفسیر اشرف الحواشی - محمد عبدہ الفلاح

7۔ قرآن نے متعدد آیات میں یہ تصریح کی ہے کہ ان کی تباہی ایک زور کی آندھی سے ہوئی جو آٹھ دن اور سات راتوں تک برابر چلتی رہی اور جس نے ان کی ہر چیز کو تباہ کر ڈالا۔ دیکھئے حم السجدہ آیت 16 و سورۃ احقاف آیت 24۔25 و سورۃ حاقہ آیت 6۔7۔ (ابن کثیر، شوکانی) 8۔ یعنی غور کرنے والوں کے لئے عبرت کا سامان ہے۔9۔ یا ” ان قریش میں سے اکثر لوگ ماننے والے نہیں۔ (شوکانی)