أَبْوَابُ الصَّوْمِ عَنْ رَسُولِ اللَّهِ ﷺ بَاب مَا جَاءَ فِي كَرَاهِيَةِ صَوْمِ يَوْمِ الْجُمُعَةِ وَحْدَهُ​ صحيح حَدَّثَنَا هَنَّادٌ حَدَّثَنَا أَبُو مُعَاوِيَةَ عَنْ الْأَعْمَشِ عَنْ أَبِي صَالِحٍ عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لَا يَصُومُ أَحَدُكُمْ يَوْمَ الْجُمُعَةِ إِلَّا أَنْ يَصُومَ قَبْلَهُ أَوْ يَصُومَ بَعْدَهُ قَالَ وَفِي الْبَاب عَنْ عَلِيٍّ وَجَابِرٍ وَجُنَادَةَ الْأَزْدِيِّ وَجُوَيْرِيَةَ وَأَنَسٍ وَعَبْدِ اللَّهِ بْنِ عَمْرٍو قَالَ أَبُو عِيسَى حَدِيثُ أَبِي هُرَيْرَةَ حَدِيثٌ حَسَنٌ صَحِيحٌ وَالْعَمَلُ عَلَى هَذَا عِنْدَ أَهْلِ الْعِلْمِ يَكْرَهُونَ لِلرَّجُلِ أَنْ يَخْتَصَّ يَوْمَ الْجُمُعَةِ بِصِيَامٍ لَا يَصُومُ قَبْلَهُ وَلَا بَعْدَهُ وَبِهِ يَقُولُ أَحْمَدُ وَإِسْحَقُ

کتاب: روزے کے احکام ومسائل خاص کرصرف جمعہ کو صوم رکھنے کی کراہیت کا بیان​ ابوہریرہ رضی اللہ عنہ کہتے ہیں کہ رسول اللہﷺ نے فرمایا: 'تم میں سے کوئی جمعہ کے دن صوم نہ رکھے، إلا یہ کہ وہ اس سے پہلے یااس کے بعدبھی صوم رکھے' ۱؎ ۔ امام ترمذی کہتے ہیں: ۱- ابوہریرہ کی حدیث حسن صحیح ہے،۲- اس باب میں علی ، جابر ، جنادہ ازدی ، جویریہ ، انس اور عبداللہ بن عمروبن العاص رضی اللہ عنہم سے بھی احادیث آئی ہیں ،۳- اہل علم کا اسی پر عمل ہے۔ یہ لوگ آدمی کے لئے مکروہ سمجھتے ہیں کہ وہ جمعہ کے دن کو صوم کے لیے مخصوص کرلے، نہ اس سے پہلے صوم رکھے اور نہ اس کے بعد ۔ احمد اور اسحاق بن راہویہ بھی یہی کہتے ہیں۔ وضاحت ۱؎ : اس ممانعت کی وجہ کیا ہے، اس سلسلہ میں علماء کے مختلف اقوال ہیں، سب سے صحیح وجہ اس کایوم عیدہونا ہے، اس کی صراحت ابوہریرہ رضی اللہ عنہ کی مرفوع روایت میں ہے جس کی تخریج حاکم وغیرہ نے ان الفاظ کے ساتھ کی ہے ' یوم الجمعۃ یوم عید فلا تجعلوا یوم عیدکم صیامکم إلا أن تصوموا قبلہ وبعدہ'جمعہ کا دن عیدکادن ہے ،اس لیے اپنے عیدوالے دن صوم نہ رکھاکرو، إلا یہ کہ اس سے ایک دن قبل -جمعرات کابھی-صوم رکھویا اس سے ایک دن بعد سنیچرکے دن کا بھی ۔ اورابن ابی شیبہ نے بھی اسی مفہوم کی ایک حدیث علی رضی اللہ عنہ سے روایت کی ہے جس کی سند حسن ہے اس کے الفاظ یہ ہیں'من کان منکم متطوعاً من الشہر فلیصم یوم الخمیس ولا یصم یوم الجمعۃ فإنہ یوم طعام وشراب ' تم میں سے جوکوئی کسی مہینے کے نفلی صیام رکھ رہا ہو، وہ جمعرات کے دن کا صوم رکھے، جمعہ کے دن کا صوم نہ رکھے ، اس لیے کہ یہ کھانے پینے کا دن ہوتا ہے۔