كِتَابُ الْأَشْرِبَةِ تَحْرِيمُ كُلِّ شَرَابٍ أَسْكَرَ صحيح الإسناد مقطوع أَخْبَرَنَا سُوَيْدٌ قَالَ أَنْبَأَنَا عَبْدُ اللَّهِ قَالَ أَنْبَأَنَا الْأَسْوَدُ بْنُ شَيْبَانَ السَّدُوسِيُّ قَالَ سَمِعْتُ عَطَاءً سَأَلَهُ رَجُلٌ فَقَالَ إِنَّا نَرْكَبُ أَسْفَارًا فَتُبْرَزُ لَنَا الْأَشْرِبَةُ فِي الْأَسْوَاقِ لَا نَدْرِي أَوْعِيَتَهَا فَقَالَ كُلُّ مُسْكِرٍ حَرَامٌ فَذَهَبَ يُعِيدُ فَقَالَ كُلُّ مُسْكِرٍ حَرَامٌ فَذَهَبَ يُعِيدُ فَقَالَ هُوَ مَا أَقُولُ لَكَ

کتاب: مشروبات سے متعلق احکام و مسائل ہر نشہ آور مشروب حرام ہے حضرت اسود بن شیبان سدوسی نے کہا کہ حضرت عطا سے ایک آدمی نے پوچھا: ہم لمبے لمبے سفر کرتے ہیں تو بازاروں میں ہمارے سامنے بہت سے مشروب آتے ہیں ۔ ہمیں علم نہیں ہوتا کہ وہ کس برتن میں بنایا گیا ؟ حضرت عطا نے فرمایا : ہر نشہ آور مشروب حرام ہے ۔وہ دوبارہ وہی سوال کرنے لگا تو انھوں نے پھر فرمایا : ہر نشہ آور مشروب حرام ہے ۔وہ پھر سوال دہرانے لگا تو انھوں نے کہا : جواب وہی ہے جو میں تجھے دےچکا ۔
تشریح : حضرت عطا کا مقصود یہ تھا کہ برتن کسی چیز کو حرام یا حلال نہیں کرتا ۔ اگر مشروب نشہ آور ہو تو وہ جس برتن میں بھی بنایا گیا ہو ،حرام ہے اور اگر اس میں نشہ نہیں تو حلال ہے ،خواہ کسی برتن میں تیار کیا گیا ہو۔ حضرت عطا کا مقصود یہ تھا کہ برتن کسی چیز کو حرام یا حلال نہیں کرتا ۔ اگر مشروب نشہ آور ہو تو وہ جس برتن میں بھی بنایا گیا ہو ،حرام ہے اور اگر اس میں نشہ نہیں تو حلال ہے ،خواہ کسی برتن میں تیار کیا گیا ہو۔