كِتَابُ الزِّينَةِ مِنَ السُّنَنِ نَزْعُ الْخَاتَمِ عِنْدَ دُخُولِ الْخَلَاءِ حسن الإسناد أَخْبَرَنَا مُحَمَّدُ بْنُ مَعْمَرٍ قَالَ حَدَّثَنَا أَبُو عَاصِمٍ عَنْ الْمُغِيرَةِ بْنِ زِيَادٍ قَالَ حَدَّثَنَا نَافِعٌ عَنْ ابْنِ عُمَرَ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ لَبِسَ خَاتَمًا مِنْ ذَهَبٍ ثَلَاثَةَ أَيَّامٍ فَلَمَّا رَآهُ أَصْحَابُهُ فَشَتْ خَوَاتِيمُ الذَّهَبِ فَرَمَى بِهِ فَلَا نَدْرِي مَا فَعَلَ ثُمَّ أَمَرَ بِخَاتَمٍ مِنْ فِضَّةٍ فَأَمَرَ أَنْ يُنْقَشَ فِيهِ مُحَمَّدٌ رَسُولُ اللَّهِ وَكَانَ فِي يَدِ رَسُولِ اللَّهِ حَتَّى مَاتَ وَفِي يَدِ أَبِي بَكْرٍ حَتَّى مَاتَ وَفِي يَدِ عُمَرَ حَتَّى مَاتَ وَفِي يَدِ عُثْمَانَ سِتَّ سِنِينَ مِنْ عَمَلِهِ فَلَمَّا كَثُرَتْ عَلَيْهِ الْكُتُبُ دَفَعَهُ إِلَى رَجُلٍ مِنْ الْأَنْصَارِ فَكَانَ يَخْتِمُ بِهِ فَخَرَجَ الْأَنْصَارِيُّ إِلَى قَلِيبٍ لِعُثْمَانَ فَسَقَطَ فَالْتُمِسَ فَلَمْ يُوجَدْ فَأَمَرَ بِخَاتَمٍ مِثْلِهِ وَنَقَشَ فِيهِ مُحَمَّدٌ رَسُولُ اللَّهِ
کتاب: سنن کبری سے زینت کے متعلق احکام و مسائل
بیت الخلاء میں داخل ہوتے وقت انگوٹھی اتارلینے کا بیان
حضرت ابن عمر سے روایت ہے کہ رسول اللہ نے تین دن سونے کی انگوٹھی پہنی ۔ جب آپ کے صحابہ نے یہ دیکھا تو سونے کی انگوٹھیاں عام ہوگئیں ۔ آپ نے اپنی انگوٹھی اتار دی ۔ نہ معلوم آپ نے اسے کیا کیا ؟ پھر آپ نے چاندی کی انگوٹھی بنانے کاحکم دیا اور فرمایا کہ اس میں ’’محمدرسول اللہ ‘‘ کےالفاظ کندہ کیے جائیں ۔ یہ انگوٹھی رسول اللہ ﷺ کے دست مبارک میں رہی حتی کہ آپ اللہ تعالیٰ کو پیارے ہو گئے ۔ پھر حضرت ابو بکر کے ہاتھ میں رہی حتی کہ وہ بھی اللہ کو پیارے ہو گئے ۔ پھر عمر کے ہاتھ میں رہی حتی کہ وہ بھی اللہ کو پیارے ہوگئے ۔ پھر حضرت عثمان کی خلافت کے چھ سال تک ان کے ہاتھ میں رہی ۔ پھر جب خطوط کی کثرت ہوئی توآپ نے وہ انگوٹھی ایک انصاری کے سپرد کر دی (تاکہ وہ مہر لگادیا کرے ) ۔ وہ مہر لگایا کرتا تھا ۔ ایک دفعہ وہ انصاری حضرت عثمان کے ایک کنویں کی طرف گیا تو اس سےوہ انگوٹھی ( اس کنویں میں) گر پڑی ۔ بہت تلاش کی گئی مگر نہ ملی ۔ پھر انہوں نےاس جیسی ایک اور انگوٹھی بنانے کاحکم دیا اور اس میں بھی ’’ محمد رسول اللہ ‘‘ کے الفاظ کندہ کروائے ۔
تشریح :
1۔ رسول اللہ ﷺ کی مبارکہ انگوٹھی آپ کی وفات کےبعد خلفاء کےہاتھ میں بطور ضرورت وتبرک رہی نہ کہ بطور ملکیت ۔ جب وہ انگوٹھی گم ہو گئی تو فتنہ وفساد کا دور شروع ہو گیا ۔ گویا ایک بہت بڑی برکت اٹھ گئی ۔ آخر خاتم النبین ﷺ کی انگوٹھی تھی ۔ فداه أبي وأمي ، نفسي وروحي ﷺ -
2۔ ’’خطوط کی کثرت ‘‘ تو ان کو بار بار مہر لگانے میں وقت ہوتی تھی ۔ انہوں نے مہر لگانے کےلیے ایک انصاری کو مقرر فرمالیا ۔
3۔ ’’ایک کنویں ‘‘ اس کنویں کانام بئر اریس تھا ۔ انگوٹھی تلاش کرنے کےلیے کنویں کو پانی سے خالی کیاگیا اور پھر انچ انچ جگہ چھانی گئی مگر انگوٹھی کو نہ ملنا تھا نہ ملی ۔ إِنّا لِلَّـهِ وَإِنّا إِلَيهِ راجِعونَ۔
4۔ ’’الفاظ کندہ کروائے ‘‘ احادیث صحیحہ میں واضح طورپر موجود ہے کہ رسول اللہ ﷺ نے انگوٹھیوں پر یہ الفاظ کندہ کرانے سے لوگوں کوروک دیا تھا لیکن یہ انگوٹھی تواصل انگوٹھی کے قائم مقام تھی ، اس لیے اس پر یہ الفاظ کندہ کرائے گئے ، نیز آپ کا مقصد اشتباہ اور جعل سازی کی بندش تھا ۔ اصل کے گم ہونے پر نقل کی تیاری سے یہ خدشہ نہیں ہوتا ۔ اشتباہ اور جعل سازی توتب ہوتی اگر بیک وقت کئی انگوٹھیاں ایک نقش والی ہوتیں ۔ گویا احکام کا مدار مقاصد ہوتے ہیں نہ کہ ظاہر الفاظ ۔ اور یہ بات یادرکھنے کی ہے ۔ اس جیسے نقش والی انگوٹھی بنوانے سے ممانعت کی اک اہم وجہ یہ بھی تھی کہ اس نقش کی حیثیت سرکار ی تھی ، اس لیے آپ کےبعد خلفائے راشدین وہ انگوٹھی استعمال کرتے رہے اور اس کے گم ہونے پر سندنا عثمان نے ایسے ہی نقش والی انگوٹھی بنوائی ۔ واللہ اعلم
1۔ رسول اللہ ﷺ کی مبارکہ انگوٹھی آپ کی وفات کےبعد خلفاء کےہاتھ میں بطور ضرورت وتبرک رہی نہ کہ بطور ملکیت ۔ جب وہ انگوٹھی گم ہو گئی تو فتنہ وفساد کا دور شروع ہو گیا ۔ گویا ایک بہت بڑی برکت اٹھ گئی ۔ آخر خاتم النبین ﷺ کی انگوٹھی تھی ۔ فداه أبي وأمي ، نفسي وروحي ﷺ -
2۔ ’’خطوط کی کثرت ‘‘ تو ان کو بار بار مہر لگانے میں وقت ہوتی تھی ۔ انہوں نے مہر لگانے کےلیے ایک انصاری کو مقرر فرمالیا ۔
3۔ ’’ایک کنویں ‘‘ اس کنویں کانام بئر اریس تھا ۔ انگوٹھی تلاش کرنے کےلیے کنویں کو پانی سے خالی کیاگیا اور پھر انچ انچ جگہ چھانی گئی مگر انگوٹھی کو نہ ملنا تھا نہ ملی ۔ إِنّا لِلَّـهِ وَإِنّا إِلَيهِ راجِعونَ۔
4۔ ’’الفاظ کندہ کروائے ‘‘ احادیث صحیحہ میں واضح طورپر موجود ہے کہ رسول اللہ ﷺ نے انگوٹھیوں پر یہ الفاظ کندہ کرانے سے لوگوں کوروک دیا تھا لیکن یہ انگوٹھی تواصل انگوٹھی کے قائم مقام تھی ، اس لیے اس پر یہ الفاظ کندہ کرائے گئے ، نیز آپ کا مقصد اشتباہ اور جعل سازی کی بندش تھا ۔ اصل کے گم ہونے پر نقل کی تیاری سے یہ خدشہ نہیں ہوتا ۔ اشتباہ اور جعل سازی توتب ہوتی اگر بیک وقت کئی انگوٹھیاں ایک نقش والی ہوتیں ۔ گویا احکام کا مدار مقاصد ہوتے ہیں نہ کہ ظاہر الفاظ ۔ اور یہ بات یادرکھنے کی ہے ۔ اس جیسے نقش والی انگوٹھی بنوانے سے ممانعت کی اک اہم وجہ یہ بھی تھی کہ اس نقش کی حیثیت سرکار ی تھی ، اس لیے آپ کےبعد خلفائے راشدین وہ انگوٹھی استعمال کرتے رہے اور اس کے گم ہونے پر سندنا عثمان نے ایسے ہی نقش والی انگوٹھی بنوائی ۔ واللہ اعلم