كِتَابُ الطَّلَاقِ بَاب التَّغْلِيظِ فِي الِانْتِفَاءِ مِنْ الْوَلَدِ ضعيف أَخْبَرَنَا مُحَمَّدُ بْنُ عَبْدِ اللَّهِ بْنِ عَبْدِ الْحَكَمِ قَالَ شُعَيْبٌ قَالَ حَدَّثَنَا اللَّيْثُ عَنْ ابْنِ الْهَادِ عَنْ عَبْدِ اللَّهِ بْنِ يُونُسَ عَنْ سَعِيدِ بْنِ أَبِي سَعِيدٍ الْمَقْبُرِيِّ عَنْ أَبِي هُرَيْرَةَ أَنَّهُ سَمِعَ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ حِينَ نَزَلَتْ آيَةُ الْمُلَاعَنَةِ أَيُّمَا امْرَأَةٍ أَدْخَلَتْ عَلَى قَوْمٍ رَجُلًا لَيْسَ مِنْهُمْ فَلَيْسَتْ مِنْ اللَّهِ فِي شَيْءٍ وَلَا يُدْخِلُهَا اللَّهُ جَنَّتَهُ وَأَيُّمَا رَجُلٍ جَحَدَ وَلَدَهُ وَهُوَ يَنْظُرُ إِلَيْهِ احْتَجَبَ اللَّهُ عَزَّ وَجَلَّ مِنْهُ وَفَضَحَهُ عَلَى رُءُوسِ الْأَوَّلِينَ وَالْآخِرِينَ يَوْمَ الْقِيَامَةِ

کتاب: طلاق سے متعلق احکام و مسائل (صرف شک کی بنا پر) بچے کی نفی کرنا بہت بڑا گناہ ہے حضرت ابوہریرہ رضی اللہ عنہ سے راویت ہے کہ انہوں نے رسول اللہﷺ کو فرماتے سنا‘ جس وقت لعان کی آیت اتری تھی: ’’جو عورت کسی قوم میں ایسے بچے کو داخل کردے جو ان میں سے نہیں تو اس کا اللہ تعالیٰ سے کوئی تعلق نہیں۔ اور اللہ تعالیٰ اسے جنت میں داخل نہیں فرمائے گا۔ اور جو آدمی اپنے بچے کا (ضد سے یا شک وشبہ سے) انکار کردے جب کہ بچہ اسے (پیار سے) دیکھ رہا ہو‘ اللہ تعالیٰ اس سے منہ موڑلے گا۔ اور قیامت کے دن اسے اگلے پچھلے سب لوگوں کے سامنے ذلیل فرمائے گا۔‘‘
تشریح : (۱) ’’جو ان میں سے نہیں‘‘ یعنی وہ زنا کا نتیجہ ہے مگر منسوب خاوند کی طرف ہی کرے۔ (۲) ’’اللہ تعالیٰ سے کوئی تعلق نہیں‘‘ مبالغہ ہے۔ ظاہر الفاظ مقصود نہیں۔ مطلب یہ ہے کہ بہت بڑا گناہ ہے جو اللہ تعالیٰ اور اس کی رحمت سے محرومی کا سبب بن سکتا ہے۔ یا آئندہ آنے والا جملہ ’’اللہ تعالیٰ اسے جنت میں داخل نہیں فرمائے گا۔‘‘ اس کی تفسیر ہے۔ (۳) ’’جب کہ وہ بچہ اسے دیکھ رہا ہو‘ یہ ترجمہ بھی ہوسکتا ہے: ’’جبکہ وہ آدمی بچے کو دیکھ رہا ہو کہ واقعتا میرا ہے۔‘‘ واللہ اعلم (۱) ’’جو ان میں سے نہیں‘‘ یعنی وہ زنا کا نتیجہ ہے مگر منسوب خاوند کی طرف ہی کرے۔ (۲) ’’اللہ تعالیٰ سے کوئی تعلق نہیں‘‘ مبالغہ ہے۔ ظاہر الفاظ مقصود نہیں۔ مطلب یہ ہے کہ بہت بڑا گناہ ہے جو اللہ تعالیٰ اور اس کی رحمت سے محرومی کا سبب بن سکتا ہے۔ یا آئندہ آنے والا جملہ ’’اللہ تعالیٰ اسے جنت میں داخل نہیں فرمائے گا۔‘‘ اس کی تفسیر ہے۔ (۳) ’’جب کہ وہ بچہ اسے دیکھ رہا ہو‘ یہ ترجمہ بھی ہوسکتا ہے: ’’جبکہ وہ آدمی بچے کو دیکھ رہا ہو کہ واقعتا میرا ہے۔‘‘ واللہ اعلم