كِتَابُ النِّكَاحِ رَضَاعِ الْكَبِيرِ صحيح أَخْبَرَنَا حُمَيْدُ بْنُ مَسْعَدَةَ عَنْ سُفْيَانَ وَهُوَ ابْنُ حَبِيبٍ عَنْ ابْنِ جُرَيْجٍ عَنْ ابْنِ أَبِي مُلَيْكَةَ عَنْ الْقَاسِمِ بْنِ مُحَمَّدٍ عَنْ عَائِشَةَ قَالَتْ جَاءَتْ سَهْلَةُ إِلَى رَسُولِ اللَّهِ صَلَّى اللَّهُ عَلَيْهِ وَسَلَّمَ فَقَالَتْ يَا رَسُولَ اللَّهِ إِنَّ سَالِمًا يَدْخُلُ عَلَيْنَا وَقَدْ عَقَلَ مَا يَعْقِلُ الرِّجَالُ وَعَلِمَ مَا يَعْلَمُ الرِّجَالُ قَالَ أَرْضِعِيهِ تَحْرُمِي عَلَيْهِ بِذَلِكَ فَمَكَثْتُ حَوْلًا لَا أُحَدِّثُ بِهِ وَلَقِيتُ الْقَاسِمَ فَقَالَ حَدِّثْ بِهِ وَلَا تَهَابُهُ

کتاب: نکاح سے متعلق احکام و مسائل بڑی عمر والے کو دودھ پلانے کا بیان حضرت عائشہؓ سے مروی ہے کہ حضرت سلمہؓ رسول اللہﷺکے پاس آئی او رکہنے لگی: اے اللہ کے رسول! سالم ہمارے ہاں (بلاروک ٹوک) آتا جاتا رہتا ہے لیکن اب وہ مردوں کی طرح (جنسی معاملات) سمجھنے لگا ہے اور ان باتو ںکو جاننے لگا ہے جنہیں مرد سمجھتے ہیں۔ آپ نے فرمایا: ’’تو اسے دودھ پلا دے۔ پھر اس وجہ سے تو اس کے لیے حرام ہوجائے گی۔‘‘ (راوی حدیث ابن ابی ملیکہ نے کہا:) میں ایک برس ٹھہرا رہا‘ یہ حدیث بیان نہیں کرتا تھا۔ میں قاسم سے ملا تو اس نے کہا: یہ حدیث بیان کیا کرو اور کسی سے بھی نہ ڈر۔
تشریح : (۱) اس مسئلے کی ضروری وضاحت حدیث: ۳۳۲۱ میں بیان ہوچکی ہے۔ (۲) چھوٹا بچہ جسے ابھی خاص باتوں کا شعور نہ ہو‘ اجنبی عورتوں کے پاس آجاسکتا ہے۔ (۱) اس مسئلے کی ضروری وضاحت حدیث: ۳۳۲۱ میں بیان ہوچکی ہے۔ (۲) چھوٹا بچہ جسے ابھی خاص باتوں کا شعور نہ ہو‘ اجنبی عورتوں کے پاس آجاسکتا ہے۔