كِتَابُ النِّكَاحِ تَزَوُّجُ الْمَوْلَى الْعَرَبِيَّةَ صحيح أَخْبَرَنَا عِمْرَانُ بْنُ بَكَّارِ بْنِ رَاشِدٍ قَالَ حَدَّثَنَا أَبُو الْيَمَانِ قَالَ أَنْبَأَنَا شُعَيْبٌ عَنْ الزُّهْرِيِّ قَالَ أَخْبَرَنِي عُرْوَةُ بْنُ الزُّبَيْرِ عَنْ عَائِشَةَ أَنَّ أَبَا حُذَيْفَةَ بْنَ عُتْبَةَ بْنِ رَبِيعَةَ بْنِ عَبْدِ شَمْسٍ وَكَانَ مِمَّنْ شَهِدَ بَدْرًا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ تَبَنَّى سَالِمًا وَأَنْكَحَهُ ابْنَةَ أَخِيهِ هِنْدَ بِنْتَ الْوَلِيدِ بْنِ عُتْبَةَ بْنِ رَبِيعَةَ بْنِ عَبْدِ شَمْسٍ وَهُوَ مَوْلًى لِامْرَأَةٍ مِنْ الْأَنْصَارِ كَمَا تَبَنَّى رَسُولُ اللَّهِ صَلَّى اللَّهُ عَلَيْهِ وَسَلَّمَ زَيْدًا وَكَانَ مَنْ تَبَنَّى رَجُلًا فِي الْجَاهِلِيَّةِ دَعَاهُ النَّاسُ ابْنَهُ فَوَرِثَ مِنْ مِيرَاثِهِ حَتَّى أَنْزَلَ اللَّهُ عَزَّ وَجَلَّ فِي ذَلِكَ ادْعُوهُمْ لِآبَائِهِمْ هُوَ أَقْسَطُ عِنْدَ اللَّهِ فَإِنْ لَمْ تَعْلَمُوا آبَاءَهُمْ فَإِخْوَانُكُمْ فِي الدِّينِ وَمَوَالِيكُمْ فَمَنْ لَمْ يُعْلَمْ لَهُ أَبٌ كَانَ مَوْلًى وَأَخًا فِي الدِّينِ مُخْتَصَرٌ
کتاب: نکاح سے متعلق احکام و مسائل
آزاد کردہ غلام کا عربی (آزاد) عورت سے شادی کرنا؟
حضرت عائشہؓ سے مروی ہے کہ حضرت ابوحذیفہ بن عتبہ بن ربیعہ بن عبدشمس رضی اللہ عنہ جو غزوئہ بدر میں رسول اللہﷺ کے ساتھ حاضر ہوئے تھے‘ نے حضرت سالم رضی اللہ عنہ کو متبنی(منہ بولا) بیٹا بنا لیا تھا اور ان کا نکاح اپنی بھتیجی ہندبت ولید بن عتبہ بن ربیعہ بن عبد شمس سے کردیا تھا‘ حالانکہ حضرت سالم ایک انصاری عورت کے آزاد کردہ غلام تھے‘ جیسے رسول اللہﷺ نے حضرت زید کو متبنی (منہ بولا) بیٹا بنالیا تھا۔ اور جاہلیت میں یہ دستور تھا کہ جب کوئی شخص کسی کو بیٹا بنالیتا تو لوگ اس کی اسی کا بیٹا کہتے۔ وہ اس کا وارث بھی بنتا تھا حتیٰ کہ اللہ تعالیٰ نے اس بارے میں یہ آیت اتاری: {اُدْعُوْھُمْ لِاٰبَآئِھِمْ ھُوَ…} ’’ان (متبناؤں) کو ان کے اصلی باپوں کی طرف منسوب کرو۔ اللہ تعالیٰ کے نزدیک یہ بات زیادہ قرین انصاف ہے۔ البتہ گر تم ان کے اصلی باپوں کو نہ جانتے ہو تو انہیں اپنا بھائی یا مولیٰ کہو۔‘‘ لہٰذا جس (متبنی) کا باپ معلوم نہ ہو‘ وہ (بیٹا بنانے والے کا) مولیٰ یا دینی بھا ئی ہوگا۔ ( یہ حدیث اس جگہ) مختصر (بیان ہوئی) ہے۔
تشریح :
شریعت اسلامیہ میں متبنی (گودلیا ہوا‘ منہ بولا بیٹا یا لے پالک) نہ تو بٹا ہوتا ہے نہ وارث۔ وہ اپنے اصلی باپ ہی کا بیٹا ہے اور اسی کا وارث۔ اسی طرح کسی کو غیر باپ کی طرف منسوب کرنا بھی منع اور حرام ہے۔ الا یہ کہ نسبت اجداد کی طرف ہو جس طرح غزوئہ حنین میں رسول اللہﷺ نے اپنے آپ کو ’’ابن عبدالمطلب‘‘ فرمایا۔ دیکھیے: (صحیح البخاری‘ الجھاد والسیر‘ حدیث: ۲۸۶۲‘ وصحیح مسلم‘ الجھاد‘ حدیث: ۱۷۷۶) کیونکہ وہ زیادہ مشہور تھے اور آپ کے والد جوانی ہی میں فوت ہوگئے تھے۔
شریعت اسلامیہ میں متبنی (گودلیا ہوا‘ منہ بولا بیٹا یا لے پالک) نہ تو بٹا ہوتا ہے نہ وارث۔ وہ اپنے اصلی باپ ہی کا بیٹا ہے اور اسی کا وارث۔ اسی طرح کسی کو غیر باپ کی طرف منسوب کرنا بھی منع اور حرام ہے۔ الا یہ کہ نسبت اجداد کی طرف ہو جس طرح غزوئہ حنین میں رسول اللہﷺ نے اپنے آپ کو ’’ابن عبدالمطلب‘‘ فرمایا۔ دیکھیے: (صحیح البخاری‘ الجھاد والسیر‘ حدیث: ۲۸۶۲‘ وصحیح مسلم‘ الجھاد‘ حدیث: ۱۷۷۶) کیونکہ وہ زیادہ مشہور تھے اور آپ کے والد جوانی ہی میں فوت ہوگئے تھے۔