سنن النسائي - حدیث 1093

كِتَابُ التَّطْبِيقِ بَاب وَضْعِ الْيَدَيْنِ مَعَ الْوَجْهِ فِي السُّجُود صحيح أَخْبَرَنَا زِيَادُ بْنُ أَيُّوبَ دَلُّوَيْهِ قَالَ حَدَّثَنَا ابْنُ عُلَيَّةَ قَالَ حَدَّثَنَا أَيُّوبُ عَنْ نَافِعٍ عَنْ ابْنِ عُمَرَ رَفَعَهُ قَالَ إِنَّ الْيَدَيْنِ تَسْجُدَانِ كَمَا يَسْجُدُ الْوَجْهُ فَإِذَا وَضَعَ أَحَدُكُمْ وَجْهَهُ فَلْيَضَعْ يَدَيْهِ وَإِذَا رَفَعَهُ فَلْيَرْفَعْهُمَا

ترجمہ سنن نسائی - حدیث 1093

کتاب: رکوع کے دوران میں تطبیق کا بیان سجدے میں دونوں ہاتھوں کو چہرے کے ساتھ رکھنا حضرت ابن عمر رضی اللہ عنہما سے روایت ہے اور انھوں نے اسے رسول اللہ صلی اللہ علیہ وسلم کی طرف منسوب کیا ہے کہ آپ نے فرمایا: ’’تحقیق دونوں ہاتھ چہرے کی طرح سجدہ کرتے ہیں۔ جب تم میں سے کوئی شخص اپنا چہرہ زمین پر رکھے تو اپنے دونوں ہاتھ بھی رکھے اور جب چہرہ اٹھائے تو انھیں بھی اٹھا لے۔‘‘ مقصود یہ ہے کہ سجدے میں صرف چہرہ زمین پر لگانا کافی نہیں بلکہ دونوں ہاتھ بھی زمین پر چہرے کے ارد گرد رکھے ہونے چاہئیں تاکہ ان کا بھی سجدہ ہوسکے۔ اگلی روایت میں اس کی مزید وضاحت ہے۔