كِتَابِ الطَّهَارَةِ بَابٌ حَدَّثَنَا جَعْفَرُ بْنُ مُحَمَّدِ بْنِ بُجَيْرٍ الْعَطَّارُ الْبَغْدَادِيُّ، حَدَّثَنَا عَبْدُ الرَّحْمَنِ بْنُ عَفَّانَ أَبُو بَكْرٍ، حَدَّثَنَا حَجَّاجُ بْنُ مُحَمَّدٍ، حَدَّثَنَا شُعْبَةُ، عَنْ أَبِي إِسْحَاقَ، عَنِ الْأَحْوَصِ، عَنْ عَبْدِ اللَّهِ بْنِ مَسْعُودٍ قَالَ: كَانَ رَسُولُ اللَّهِ صَلَّى اللَّهُ عَلَيْهِ وَآلِهِ وَسَلَّمَ يُصَلِّي مِنَ اللَّيْلِ حَتَّى تَوْرَمَ (تَرِمَ) قَدَمَاهُ قِيلَ: يَا رَسُولَ اللَّهِ أَلَيْسَ قَدْ غَفَرَ اللَّهُ لَكَ مَا تَقَدَّمَ مِنْ ذَنْبِكَ وَمَا تَأَخَّرَ؟ قَالَ: ((أَفَلَا أَكُونُ عَبْدًا شَكُورًا)) لَمْ يَرْوِهِ عَنْ شُعْبَةَ إِلَّا حَجَّاجٌ تَفَرَّدَ بِهِ عَبْدُ الرَّحْمَنِ
طہارت کا بیان
باب
سیّدنا عبد اللہ بن مسعود رضی اللہ عنہ کہتے ہیں کہ نبی کریم صلی اللہ علیہ وسلم رات کو اتنی نماز پڑھتے کہ آپ کے پاؤں پر ورم آجاتا کہا گیا یارسول اللہ کیا آپ کے اللہ نے پہلے اور پچھلے گناہ معاف نہیں کردیے؟ آپ نے فرمایا: ’’تو اس کا مطلب یہ کہ میں اللہ کا شکر گزار بندہ نہ بنوں۔‘‘
تشریح :
(۱) رسول اللہ صلی اللہ علیہ وسلم معصوم عن الخطا اور امام الانبیاء والمرسلین ہونے کے باوجود اللہ تعالیٰ کی عبادت کثرت سے کرتے حتی کہ قیام اللیل میں لمبا قیام کرتے یہاں تک کہ آپ کے پاؤں متورم ہوجاتے۔ لہٰذا امتیوں کو عالی مقام اور بلند مرتبہ حاصل کرنے کے لیے ان عزیمتوں کو اختیار کرنا چاہیے اور زیادہ سے زیادہ عبادت میں منہمک رہنا چاہیے۔
(۲) کسی شخص کو تقویٰ وللہیت کا مقام حاصل ہے تو وہ ذات باری تعالیٰ کی عبادت میں مزید دلچسپی لے یہ شکر گزاری کی علامت اور تقرب الٰہی کا ذریعہ ہے۔
(۳) مزید دیکھئے فوائد حدیث نمبر ۱۹۰۔
تخریج :
تقدم تخریجه: ۱۹۰۔
(۱) رسول اللہ صلی اللہ علیہ وسلم معصوم عن الخطا اور امام الانبیاء والمرسلین ہونے کے باوجود اللہ تعالیٰ کی عبادت کثرت سے کرتے حتی کہ قیام اللیل میں لمبا قیام کرتے یہاں تک کہ آپ کے پاؤں متورم ہوجاتے۔ لہٰذا امتیوں کو عالی مقام اور بلند مرتبہ حاصل کرنے کے لیے ان عزیمتوں کو اختیار کرنا چاہیے اور زیادہ سے زیادہ عبادت میں منہمک رہنا چاہیے۔
(۲) کسی شخص کو تقویٰ وللہیت کا مقام حاصل ہے تو وہ ذات باری تعالیٰ کی عبادت میں مزید دلچسپی لے یہ شکر گزاری کی علامت اور تقرب الٰہی کا ذریعہ ہے۔
(۳) مزید دیکھئے فوائد حدیث نمبر ۱۹۰۔