كِتَابِ الْشَفَاعَةِ بَابٌ حَدَّثَنَا مُحَمَّدُ بْنُ أَحْمَدَ بْنِ هَارُونَ الْحَلَبِيُّ الْمِصِّيصِيُّ، بِالْمَصِّيصَةِ حَدَّثَنَا عَبْدُ اللَّهِ بْنُ مُحَمَّدٍ الْمُسْنَدِيُّ، حَدَّثَنَا سَهْلُ بْنُ أَسْلَمَ الْعَدَوِيُّ، حَدَّثَنَا يُونُسُ بْنُ عُبَيْدٍ، عَنْ حُمَيْدِ بْنِ هِلَالٍ، عَنِ أَبُو بُرْدَةَ، عَنْ أَبِي مُوسَى قَالَ: كُنَّا مَعَ رَسُولِ اللَّهِ صَلَّى اللَّهُ عَلَيْهِ وَآلِهِ وَسَلَّمَ فِي غَزَاةٍ فَاسْتَيْقَظْنَا وَلَيْسَ رَسُولُ اللَّهِ صَلَّى اللَّهُ عَلَيْهِ وَآلِهِ وَسَلَّمَ فَقُلْنَا: نَطْلُبُهُ فَإِنَّا عَلَى ذَلِكَ إِذْ سَمِعْنَا صَوْتًا هَدِيرًا كَهَدِيرِ الرَّحَا فَأَتَيْنَا الصَّوْتَ فَإِذَا رَسُولُ اللَّهِ صَلَّى اللَّهُ عَلَيْهِ وَآلِهِ وَسَلَّمَ فَقُلْنَا: يَا رَسُولَ اللَّهِ تَقُومُ مِنْ فِرَاشِكِ وَنَحْنُ حَوْلَكَ وَلَا تُوقِظُ أَحَدًا مِنَّا وَنَحْنُ بِأَرْضِ الْعَدُوِّ فَقَالَ: ((إِنَّهُ أَتَانِي آتٍ مِنْ رَبِّي فَخَيَّرْنِي بَيْنَ أَنْ يَدْخُلَ نِصْفُ أُمَّتِي الْجَنَّةَ أَوِ الشَّفَاعَةِ فَاخْتَرْتُ الشَّفَاعَةَ)) فَقَالَ أَبُو مُوسَى: فَقُلْتُ ادْعُ اللَّهَ أَنْ يَجْعَلَنِي مِنْ أَهْلِ الشَّفَاعَةِ فَقَالَ: ((اللَّهُمَّ اجْعَلْهُ مِنْ أَهْلِهَا)) ثُمَّ قَالَ آخَرُ فَقَالَ آخَرُ ثُمَّ قَالَ آخَرُ فَلَمَّا كَثُرُوا قَالَ رَسُولُ اللَّهِ صَلَّى اللَّهُ عَلَيْهِ وَآلِهِ وَسَلَّمَ: ((شَفَاعَتِي لِمَنْ شَهِدَ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ)) لَمْ يَرْوِهِ عَنْ يُونُسَ إِلَّا سَهْلٌ
شفاعت كا بيان
باب
سیّدنا ابو موسیٰ رضی اللہ عنہ سے روایت کرتے ہیں کہ ہم آنحضرت صلی اللہ علیہ وسلم کے ساتھ ایک جنگ میں تھے تو جب ہم بیدار ہوئے تو رسول اللہ صلی اللہ علیہ وسلم موجود نہیں تھے ہم انہیں تلاش کرنے لگے ہم اسی حال میں تھے کہ ہم نے چکی رگڑنے کی آواز سنی تو ہم اس آواز کے پاس چلے گئے وہاں نبی صلی اللہ علیہ وسلم موجود تھے تو ہم نے کہا یا رسول اللہ صلی اللہ علیہ وسلم آپ اپنے بستر سے اٹھتے ہیں اور ہم بھی آپ کے آس پاس ہوتے ہیں پھر آپ ہم میں سے کسی کو بیدار بھی نہیں کرتے حالانکہ ہم دشمن کی سرزمین میں ہیں ؟ آپ صلی اللہ علیہ وسلم نے فرمایا: ’’میرے پاس اللہ تعالیٰ کی طرف سے ایک پیغام لانے والا آیا پھر اس نے مجھے دو باتوں میں اختیار دیا یا تو میری نصف امت کو اللہ تعالیٰ جنت میں داخل کر دے یا سفارش کا موقع عطا فرمائے گا۔ تو میں نے سفارش کو پسند کر لیا۔‘‘ ابو موسیٰ رضی اللہ عنہ نے کہا یا رسول اللہ صلی اللہ علیہ وسلم دعا کریں اللہ تعالیٰ مجھے بھی سفارش والوں میں کر دے تو آپ نے دعا کی۔ ’’اے اللہ! ابو موسیٰ کو بھی سفارش والوں میں داخل فرما دے‘‘ پھر ایک اور کہنے لگے میرے لیے بھی دعا کریں تو آپ صلی اللہ علیہ وسلم نے فرمایا: ’’دوسرا بھی اسی طرح ہے پھر ایک اور نے کہا تو جب زیادہ لوگ ہو گئے تو آپ صلی اللہ علیہ وسلم نے فرمایا: ’’میری سفارش ہر اس شخص کے لیے ہو گی جو لا الہ الا اللہ اور محمد رسول اللہ صلی اللہ علیہ وسلم کی شہادت دیتا ہو۔‘‘
تشریح :
رسول اللہ صلی اللہ علیہ وسلم امت کے لیے سفارش کریں گے اور آپ کی سفارش ہر اس مسلم کو حاصل ہوگی جس نے شرک وبدعت کا ارتکاب نہ کیا ہوگا۔ اور خالص کتاب وسنت کا معتقد ہوگا۔ لہٰذا ہر مسلم کو اپنے میں یہ اوصاف پیدا کرنے چاہئیں۔
تخریج :
مسند احمد: ۴؍۴۰۴ قال الشیخ شعیب الارناؤط: اسناده حسن۔
رسول اللہ صلی اللہ علیہ وسلم امت کے لیے سفارش کریں گے اور آپ کی سفارش ہر اس مسلم کو حاصل ہوگی جس نے شرک وبدعت کا ارتکاب نہ کیا ہوگا۔ اور خالص کتاب وسنت کا معتقد ہوگا۔ لہٰذا ہر مسلم کو اپنے میں یہ اوصاف پیدا کرنے چاہئیں۔