كتاب الحيض باب صفة غسل الجنابة صحيح حديث عَائِشَةَ، قَالَتْ: كَانَ النَّبِيُّ صَلَّى اللهُ عَلَيْهِ وَسَلَّمَ إِذَا اغْتَسَلَ مِنَ الْجَنَابَةِ دَعَا بِشَيْءٍ نَحْوَ الْحِلاَبِ فَأَخَذَ بِكَفِّهِ فَبَدَأَ بِشِقِّ رَأْسِهِ الأَيْمَنِ ثُمَّ الأَيْسَرِ، فَقَالَ بِهِمَا عَلَى رَأْسِهِ

کتاب: حیض کے مسائل باب: غسل جنابت کا طریقہ سیدہ عائشہ رضی اللہ عنہافرماتی ہیں کہ نبی کریم صلی اللہ علیہ وسلم جب غسل جنابت کرنا چاہتے تو حلاب کی طرح کی ایک چیز منگاتے۔ پھر (پانی کا چلو) اپنے ہاتھ میں لیتے اور سر کے داہنے حصے سے غسل کی ابتداء کرتے پھر بائیں حصہ کا غسل کرتے۔ پھر اپنے دونوں ہاتھوں کو سر کے بیچ میں لگاتے تھے (یعنی دونوں ہاتھوں سے سر پر پانی ڈالتے)
تشریح : وہ برتن جو بالشت سے کم چوڑا اور گہرا ہو۔ امام بیہقی رحمہ اللہ فرماتے ہیں کوزے اور پیالے کے برابر برتن جس میں آٹھ رطل سما جائیں۔ (مرتب)
تخریج : أخرجه البخاري في: 5 كتاب الغسل: 6 باب من بدأ بالحلاب أو الطيب عند الغسل وہ برتن جو بالشت سے کم چوڑا اور گہرا ہو۔ امام بیہقی رحمہ اللہ فرماتے ہیں کوزے اور پیالے کے برابر برتن جس میں آٹھ رطل سما جائیں۔ (مرتب)