کِتَابُ الْاِیْمَانِ باب شفاعة النبي صلی اللہ علیہ وسلم لأبي طالب والتخفيف عنه بسببه صحيح حديثُ الْعَبَّاسِ بْنِ عَبْدِ الْمُطَّلِبِ رضي الله عنه قَالَ لِلنَّبِيِّ صَلَّى اللهُ عَلَيْهِ وَسَلَّمَ : مَا أَغْنَيْتَ عَنْ عَمِّكَ فَإِنَّهُ كَانَ يَحُوطُكَ وَيَغْضَبُ لَكَ قَالَ: هُوَ فِي ضَحْضَاحٍ مِنْ نَارٍ وَلَوْلاَ أَنَا لَكَانَ فِي الدَّرَكِ الأَسْفَلِ مِنَ النَّارِ
کتاب: ایمان کا بیان
باب: ابوطالب کے لیے نبی اکرم صلی اللہ علیہ وسلم کی شفاعت کرنا اور شفاعت کی وجہ سے ان سے عذاب جہنم میں تخفیف ہونے کا بیان
سیّدنا عباس بن عبدالمطلب رضی اللہ عنہ نے بیان کیا کہ میں نے نبی کریم صلی اللہ علیہ وسلم سے پوچھا آپ اپنے چچا (ابوطالب) کے کیا کام آئے کہ وہ آپ کی حمایت کیا کرتے تھے اور آپ کے لئے غصہ ہوتے تھے؟ آپ نے فرمایا (اسی وجہ سے) وہ صرف ٹخنوں تک جہنم میں ہیں اگر میں ان کی سفارش نہ کرتا تو وہ دوزخ کی تہ میں بالکل نیچے ہوتے۔
تشریح :
راوي حدیث: سیّدنا عباس بن عبدالمطلب رضی اللہ عنہ کی کنیت ابو الفضل ہے۔ جاہلیت واسلام میں قریش کے اکابرین میں سے تھے۔ آپ رسول اللہ صلی اللہ علیہ وسلم کے چچا جان تھے۔ حجاج کو پانی پلانا اور مسجد حرام کو آباد کرنا ان کا مشغلہ تھا۔ ہجرت سے پہلے مسلمان ہوگئے تھے لیکن اپنا اسلام چھپائے رکھا اور مکہ میں ٹھہرے رہے۔ غزوہ حنین میں حاضر ہوئے تھے۔ آخر عمر میں نابینے ہوگئے تھے، ان کی بزرگی کی وجہ سے سیّدنا عمر اور سیّدنا عثمان رضی اللہ عنہ کھڑے ہو جایا کرتے تھے۔ ۳۵ احادیث کے راوی ہیں۔ ۳۲ ہجری کو ۸۸ سال کی عمر میں مدینہ وفات پائی۔
تخریج :
أخرجه البخاري في: 63 كتاب مناقب الأنصار: 40 باب قصة أبي طالب
راوي حدیث: سیّدنا عباس بن عبدالمطلب رضی اللہ عنہ کی کنیت ابو الفضل ہے۔ جاہلیت واسلام میں قریش کے اکابرین میں سے تھے۔ آپ رسول اللہ صلی اللہ علیہ وسلم کے چچا جان تھے۔ حجاج کو پانی پلانا اور مسجد حرام کو آباد کرنا ان کا مشغلہ تھا۔ ہجرت سے پہلے مسلمان ہوگئے تھے لیکن اپنا اسلام چھپائے رکھا اور مکہ میں ٹھہرے رہے۔ غزوہ حنین میں حاضر ہوئے تھے۔ آخر عمر میں نابینے ہوگئے تھے، ان کی بزرگی کی وجہ سے سیّدنا عمر اور سیّدنا عثمان رضی اللہ عنہ کھڑے ہو جایا کرتے تھے۔ ۳۵ احادیث کے راوی ہیں۔ ۳۲ ہجری کو ۸۸ سال کی عمر میں مدینہ وفات پائی۔