كِتَابُ الزُّهْدِ بَابُ مَا يُرْجَى مِنْ رَحْمَةِ اللَّهِ يَوْمَ الْقِيَامَةِ صحیح حَدَّثَنَا مُحَمَّدُ بْنُ عَبْدِ الْمَلِكِ بْنِ أَبِي الشَّوَارِبِ حَدَّثَنَا أَبُو عَوَانَةَ حَدَّثَنَا عَبْدُ الْمَلِكِ بْنُ عُمَيْرٍ عَنْ ابْنِ أَبِي لَيْلَى عَنْ مُعَاذِ بْنِ جَبَلٍ قَالَ مَرَّ بِي رَسُولُ اللَّهِ صَلَّى اللَّهُ عَلَيْهِ وَسَلَّمَ وَأَنَا عَلَى حِمَارٍ فَقَالَ يَا مُعَاذُ هَلْ تَدْرِي مَا حَقُّ اللَّهِ عَلَى الْعِبَادِ وَمَا حَقُّ الْعِبَادِ عَلَى اللَّهِ قُلْتُ اللَّهُ وَرَسُولُهُ أَعْلَمُ قَالَ فَإِنَّ حَقَّ اللَّهِ عَلَى الْعِبَادِ أَنْ يَعْبُدُوهُ وَلَا يُشْرِكُوا بِهِ شَيْئًا وَحَقُّ الْعِبَادِ عَلَى اللَّهِ إِذَا فَعَلُوا ذَلِكَ أَنْ لَا يُعَذِّبَهُمْ

کتاب: زہد سے متعلق احکام و مسائل باب: قیا مت کے دن اللہ کی رحمت کی امید حضرت معاذ بن جبل رضی اللہ تعالیٰ عنہ سے روایت ہے۔انھوں نے فرمایا:میں ایک گدھے پر سوار تھا۔کہ اللہ کے رسول ﷺ میرے پاس سے گزرے اور فرمایا معاذ! کیا تجھے معلوم ہے کہ بندوں کے زمے اللہ کا کیا حق ہے۔اور اللہ کے زمے بندوں کا کیا حق ہے؟ میں نے کہا ۔اللہ اور اس کا رسولﷺ بہتر جانتے ہیں۔آپﷺ نے فرمایا: بندوں پر اللہ کا حق یہ ہے کہ وہ اسی کی عبادت کریں اور اس کے ساتھ کسی چیز کو (عبادت میں ) شریک نہ کریں۔اور اللہ پر بندوں کا حق یہ ہے کہ جب وہ یہ کام کریں تو انھیں عذاب نہ دے
تشریح : 1۔صحیح بخاری کی ایک روایت میں ہے۔ کہ اس موقع پر حضرت معاذ بن جبل رضی اللہ تعالیٰ عنہ رسول اللہ ﷺ کے ساتھ ہی آپ کے گدھے پر سوار تھے۔(صحیح البخاری الجھاد والسیر باب اسم الفرس والحمار حدیث 2856) 2۔اللہ تعالیٰ بندوں کا خالق اور منعم ہے۔اس لئے بندوں کالازمی فرض ہے۔کہ صرف اسی کی عبادت کریں۔ 3۔اللہ کےزمے قطعاً کسی کا کوئی حق نہیں۔ اللہ نے بندوں کا جو حق اپنے ذمے لیا ہے تو اس کے زمے اس کے بندوں کا یہ حق محض اللہ کا فضل اور اس کی رحمت ہے یہ حق اللہ نے خود اپنی رحمت سے اپنے زمے لے لیا ہے۔4۔شرک نہ کرنے والے کو عذاب نہ دینے سے مراد دائمی عذاب نہ دینا ہے ورنہ دوسرے گناہوں کی سزا قبر میں قیامت کے دن اور جہنم میں ملےگی۔ 1۔صحیح بخاری کی ایک روایت میں ہے۔ کہ اس موقع پر حضرت معاذ بن جبل رضی اللہ تعالیٰ عنہ رسول اللہ ﷺ کے ساتھ ہی آپ کے گدھے پر سوار تھے۔(صحیح البخاری الجھاد والسیر باب اسم الفرس والحمار حدیث 2856) 2۔اللہ تعالیٰ بندوں کا خالق اور منعم ہے۔اس لئے بندوں کالازمی فرض ہے۔کہ صرف اسی کی عبادت کریں۔ 3۔اللہ کےزمے قطعاً کسی کا کوئی حق نہیں۔ اللہ نے بندوں کا جو حق اپنے ذمے لیا ہے تو اس کے زمے اس کے بندوں کا یہ حق محض اللہ کا فضل اور اس کی رحمت ہے یہ حق اللہ نے خود اپنی رحمت سے اپنے زمے لے لیا ہے۔4۔شرک نہ کرنے والے کو عذاب نہ دینے سے مراد دائمی عذاب نہ دینا ہے ورنہ دوسرے گناہوں کی سزا قبر میں قیامت کے دن اور جہنم میں ملےگی۔