كِتَابُ الْفِتَنِ بَابُ طُلُوعِ الشَّمْسِ مِنْ مَغْرِبِهَا حسن حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا عُبَيْدُ اللَّهِ بْنُ مُوسَى عَنْ إِسْرَائِيلَ عَنْ عَاصِمٍ عَنْ زِرٍّ عَنْ صَفْوَانَ بْنِ عَسَّالٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِنَّ مِنْ قِبَلِ مَغْرِبِ الشَّمْسِ بَابًا مَفْتُوحًا عَرْضُهُ سَبْعُونَ سَنَةً فَلَا يَزَالُ ذَلِكَ الْبَابُ مَفْتُوحًا لِلتَّوْبَةِ حَتَّى تَطْلُعَ الشَّمْسُ مِنْ نَحْوِهِ فَإِذَا طَلَعَتْ مِنْ نَحْوِهِ لَمْ يَنْفَعْ نَفْسًا إِيمَانُهَا لَمْ تَكُنْ آمَنَتْ مِنْ قَبْلُ أَوْ كَسَبَتْ فِي إِيمَانِهَا خَيْرًا

کتاب: فتنہ و آزمائش سے متعلق احکام و مسائل باب: سورج کامغرب سےطلوع ہونا حضرت صفوان بن عسال ؓ سے روایت ہے، رسول اللہ ﷺ نے فرمایا: ‘‘سورج غروب ہونے کی سمت میں ایک کھلا ہوا دروازہ ہے جس کی چوڑائی سترسال (میں طے ہونے والا فاصلہ) ہے۔ وہ دروازہ توبہ کے لئے کھلا رہے گا حتی کہ سورج اس کی طرف سے طلوع ہو۔ جب وہ اِدھر سے طلوع ہو گیا تو کسی ایسے شخص کو ایمان سے فائدہ نہیں ہو گا جو اس سے پہلے ایمان نہیں لاچکا ہو گا یا جس نے ایمان لا کر نیکی نہیں کی ہو گی’’۔
تشریح : 1۔توبہ قبول کرنا اللہ کی صفت ہے۔۔دروازے کا کھلا ہونا اس کا ظاہری مظہر ہے۔ 2۔توبہ کا دروازہ ان غیبی اشیاء میں سے ہے جنھیں دیکھے بغیر ان پر ایمان لانا ضروری ہے' جیسے ہم جنت جہنم پر دیکھے بغیر ایمان رکھتے ہیں۔ 3۔زمین و آسمان کا نظام اللہ کے ہاتھ میں ہے'وہ جب چاہے ان قوانین فطرت کو ختم یا تبدیل کرسکتا ہے۔ 1۔توبہ قبول کرنا اللہ کی صفت ہے۔۔دروازے کا کھلا ہونا اس کا ظاہری مظہر ہے۔ 2۔توبہ کا دروازہ ان غیبی اشیاء میں سے ہے جنھیں دیکھے بغیر ان پر ایمان لانا ضروری ہے' جیسے ہم جنت جہنم پر دیکھے بغیر ایمان رکھتے ہیں۔ 3۔زمین و آسمان کا نظام اللہ کے ہاتھ میں ہے'وہ جب چاہے ان قوانین فطرت کو ختم یا تبدیل کرسکتا ہے۔