كِتَابُ الْجِهَادِ بَابُ فَضْلِ غَزْوِ الْبَحْرِ صحیح حَدَّثَنَا مُحَمَّدُ بْنُ رُمْحٍ أَنْبَأَنَا اللَّيْثُ عَنْ يَحْيَى بْنِ سَعِيدٍ عَنْ ابْنِ حَبَّانَ هُوَ مُحَمَّدُ بْنُ يَحْيَى بْنِ حَبَّانَ عَنْ أَنَسِ بْنِ مَالِكٍ عَنْ خَالَتِهِ أُمِّ حَرَامٍ بِنْتِ مِلْحَانَ أَنَّهَا قَالَتْ نَامَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَوْمًا قَرِيبًا مِنِّي ثُمَّ اسْتَيْقَظَ يَبْتَسِمُ فَقُلْتُ يَا رَسُولَ اللَّهِ مَا أَضْحَكَكَ قَالَ نَاسٌ مِنْ أُمَّتِي عُرِضُوا عَلَيَّ يَرْكَبُونَ ظَهْرَ هَذَا الْبَحْرِ كَالْمُلُوكِ عَلَى الْأَسِرَّةِ قَالَتْ فَادْعُ اللَّهَ أَنْ يَجْعَلَنِي مِنْهُمْ قَالَ فَدَعَا لَهَا ثُمَّ نَامَ الثَّانِيَةَ فَفَعَلَ مِثْلَهَا ثُمَّ قَالَتْ مِثْلَ قَوْلِهَا فَأَجَابَهَا مِثْلَ جَوَابِهِ الْأَوَّلِ قَالَتْ فَادْعُ اللَّهَ أَنْ يَجْعَلَنِي مِنْهُمْ قَالَ أَنْتِ مِنْ الْأَوَّلِينَ قَالَ فَخَرَجَتْ مَعَ زَوْجِهَا عُبَادَةَ بْنِ الصَّامِتِ غَازِيَةً أَوَّلَ مَا رَكِبَ الْمُسْلِمُونَ الْبَحْرَ مَعَ مُعَاوِيَةَ بْنِ أَبِي سُفْيَانَ فَلَمَّا انْصَرَفُوا مِنْ غَزَاتِهِمْ قَافِلِينَ فَنَزَلُوا الشَّامَ فَقُرِّبَتْ إِلَيْهَا دَابَّةٌ لِتَرْكَبَ فَصَرَعَتْهَا فَمَاتَتْ

کتاب: جہاد سے متعلق احکام ومسائل باب: سمندری جہاد کی فضیلت حضرت انس بن مالکؓ نے اپنی خالہ حضرت ام حرام بنت ملحان ؓا سے روایت کی انہوں نے فرمایا: ایک دن رسول اللہ﷜ میرے پاس (میرے گھر میں) سو گئے پھر مسکراتے ہوئے بیدار ہوئے تو میں نے عرض کیا : اے اللہ کے رسول ! آپ ہنس کیوں رہے ہیں؟ آپ نے فرمایا: میری امت کے کچھ افراد مجھے دکھائے گئے جو سمندر کی پشت پر اس طرح سوار تھے( اور کشتیوں میں اس شان سے بیٹھے تھے) جیسے بادشاہ اپنے تختوں پر ہوتے ہیں۔ ام حرامؓ نے عرض کیا: اللہ سے دعا فرمائیے کہ مجھے ان میں شامل فرمادے۔ رسول اللہﷺ نے ان کے لیے دعا فرمائی۔ پھر آپ دوبارہ سوگئے پھر ایسے ہی ہوا۔ ام حرام ؓ نے وہی بات عرض کی اور رسول اللہﷺ نے بھی پہلے والا جواب دیا۔ انہوں نے(دوبارہ) کہا: اللہ سے دعا کیجیے کہ مجھے ان میں شامل کردے۔ تو آپ نے فرمایا: تو پہلے گروہ میں سے ہے۔ حضرت انس نے بیان فرمایا: جب مسلمانوں نے حضرت معاویہ بن ابی سفیان ؓ کی معیت میں پہلا سمندر ی سفر کیا تو ام حرامؓ بھی اپنے شوہر حضرت عبادہ بن صامت ﷜ کے ہمراہ جہاد کے لیے روانہ ہوئیں۔ جب وہ لوگ جنگ سے واپس آئے تو ( سفر کے دوران میں) شام میں ( ایک مقام پر) ٹھہرے۔ ( روانگی کے وقت) سوار ہونے کے لیے سواری کا جانور آپ کے قریب لایا گیا تو اس ( جانور) نے انہیں گرادیا اور وہ فوت ہوگئیں۔
تشریح : 1۔مسلمانوں کی سب سے پہلی بحری فوج حضرت معاویہ رضی اللہ عنہ نے تیار کی ۔یہ حضرت عثمان رضی اللہ عنہ کی خلافت کا دور تھا۔جس لشکر میں حضرت ام حرام رضی اللہ عنہ شریک ہوئیں یہ پہلی بحری مہم تھی جو 28 ھ میں پیش آئی۔(فتح الباري الجهاد باب غزوة المراة في البحر:٩٤/٢) 2۔کسی فضیلت کے حصول کے لیے دعا کرنا یا کروانا درست ہے 3۔رسول اللہ ﷺ کی پیش گوئی کا پورا ہونا آپ کی حقانیت کی دلیل ہے۔ 4۔عورت جہاد میں اپنے محرم یا شوہر کے ساتھ شریک ہوسکتی ہے۔ 5۔حادثاتی موت بھی شہادت ہے۔ 6۔بحری جنگ میں شریک ہونے والوں کی تعریف سے ان کی فضیلت ثابت ہوتی ہے۔فضائیہ بھی ایک لحاظ سے بحری فوج کے مشابہ ہے۔بلکہ بعض لحاظ سے اس سے برتر ہے اس لیے یہ فضیلت بحریہ کے ساتھ ساتھ فضائیہ کے لیے بھی ہے تاہم بری فوج کی اہمیت سے انکار نہیں کیا جاسکتا۔ 1۔مسلمانوں کی سب سے پہلی بحری فوج حضرت معاویہ رضی اللہ عنہ نے تیار کی ۔یہ حضرت عثمان رضی اللہ عنہ کی خلافت کا دور تھا۔جس لشکر میں حضرت ام حرام رضی اللہ عنہ شریک ہوئیں یہ پہلی بحری مہم تھی جو 28 ھ میں پیش آئی۔(فتح الباري الجهاد باب غزوة المراة في البحر:٩٤/٢) 2۔کسی فضیلت کے حصول کے لیے دعا کرنا یا کروانا درست ہے 3۔رسول اللہ ﷺ کی پیش گوئی کا پورا ہونا آپ کی حقانیت کی دلیل ہے۔ 4۔عورت جہاد میں اپنے محرم یا شوہر کے ساتھ شریک ہوسکتی ہے۔ 5۔حادثاتی موت بھی شہادت ہے۔ 6۔بحری جنگ میں شریک ہونے والوں کی تعریف سے ان کی فضیلت ثابت ہوتی ہے۔فضائیہ بھی ایک لحاظ سے بحری فوج کے مشابہ ہے۔بلکہ بعض لحاظ سے اس سے برتر ہے اس لیے یہ فضیلت بحریہ کے ساتھ ساتھ فضائیہ کے لیے بھی ہے تاہم بری فوج کی اہمیت سے انکار نہیں کیا جاسکتا۔