كِتَابُ التِّجَارَاتِ بَابُ شِرَاءِ الرَّقِيقِ حسن حَدَّثَنَا مُحَمَّدُ بْنُ بَشَّارٍ حَدَّثَنَا عَبَّادُ بْنُ لَيْثٍ صَاحِبُ الْكَرَابِيسِيِّ حَدَّثَنَا عَبْدُ الْمَجِيدِ بْنُ وَهْبٍ قَالَ قَالَ لِي الْعَدَّاءُ بْنُ خَالِدِ بْنِ هَوْذَةَ أَلَا نُقْرِئُكَ كِتَابًا كَتَبَهُ لِي رَسُولُ اللَّهِ صَلَّى اللَّهُ عَلَيْهِ وَسَلَّمَ قَالَ قُلْتُ بَلَى فَأَخْرَجَ لِي كِتَابًا فَإِذَا فِيهِ هَذَا مَا اشْتَرَى الْعَدَّاءُ بْنُ خَالِدِ بْنِ هَوْذَةَ مِنْ مُحَمَّدٍ رَسُولِ اللَّهِ صَلَّى اللَّهُ عَلَيْهِ وَسَلَّمَ اشْتَرَى مِنْهُ عَبْدًا أَوْ أَمَةً لَا دَاءَ وَلَا غَائِلَةَ وَلَا خِبْثَةَ بَيْعَ الْمُسْلِمِ لِلْمُسْلِمِ

کتاب: تجارت سے متعلق احکام ومسائل باب: غلاموں کوخریدنا حضرت عبدالمجید بن وہب ؓ سے روایت ہے کہ مجھ سے حضرت عداء بن خالد بن ہوذہ ؓ نے فرمایا: کیا میں تجھے ایک تحریر نہ پڑھواؤں جو رسول اللہ ﷺ نے مجھے عطا فرمائی تھی؟ میں نے کہا: جی ہاں۔ انہوں نے مجھے تحریر نکال کر دکھائی۔ اس میں یہ الفاظ لکھے ہوئے تھے: یہ اس چیز کی دستاویز ہے جو عداء بن خالد بن ہوذہ (ؓ) نے محمد رسول اللہ ﷺ سے خریدی۔ اس نے نبی ﷺ سے ایک غلام یا ایک ایسی لونڈی خریدی ہے جسے کوئی بیماری نہیں، کوئی بری عادت نہیں اور نہ حرام کا مال ہے۔ یہ بیع ایک مسلمان کی ایک مسلمان سے ہوئی ہے۔
تشریح : (1) قیمتی چیز کی خرید وفروخت کے وقت تحریر لکھ لینی چاہیے ۔ (2) ’’غلام یا لونڈی خریدی۔‘‘ یعنی تحریر میں غلام کا لفظ تھا یا لونڈی کا ۔ یہ شک عباد بن لیث کی طرف سے ہے جو امام ابن ماجہ کےاستاد کےاستاد ہیں ۔ (3) [غائلة] کا یہ مطلب بھی بیان کیا گیا ہے کہ اسے بھاگ جانے ،چوری یا زنا کرنے کی یا ایسی کوئی دوسری بری عادت نہیں ، اور یہ مطلب بھی بیان کیا گیا ہے کہ وہ چوری کا مال نہیں اور یہ مطلب بھی بیان کیا گیا ہے کہ بیچنے والا غلام کاعیب نہیں چھپا رہا ۔ (4) [خبشة ] کامطلب حرام بھی بیان کیا گیا ہے اور اخلاقی خرابی بھی ۔ (5) مسلمان کی مسلمان سے بیع کا مطلب یہ ہے کہ یہ بیع ان تمام اصول وضوابط کے تحت شمار ہو گی جو اسلامی قوانین میں موجود ہیں ۔ (1) قیمتی چیز کی خرید وفروخت کے وقت تحریر لکھ لینی چاہیے ۔ (2) ’’غلام یا لونڈی خریدی۔‘‘ یعنی تحریر میں غلام کا لفظ تھا یا لونڈی کا ۔ یہ شک عباد بن لیث کی طرف سے ہے جو امام ابن ماجہ کےاستاد کےاستاد ہیں ۔ (3) [غائلة] کا یہ مطلب بھی بیان کیا گیا ہے کہ اسے بھاگ جانے ،چوری یا زنا کرنے کی یا ایسی کوئی دوسری بری عادت نہیں ، اور یہ مطلب بھی بیان کیا گیا ہے کہ وہ چوری کا مال نہیں اور یہ مطلب بھی بیان کیا گیا ہے کہ بیچنے والا غلام کاعیب نہیں چھپا رہا ۔ (4) [خبشة ] کامطلب حرام بھی بیان کیا گیا ہے اور اخلاقی خرابی بھی ۔ (5) مسلمان کی مسلمان سے بیع کا مطلب یہ ہے کہ یہ بیع ان تمام اصول وضوابط کے تحت شمار ہو گی جو اسلامی قوانین میں موجود ہیں ۔