كِتَابُ التِّجَارَاتِ بَابُ مَا يُرْجَى مِنَ الْبَرَكَةِ فِي الْبُكُورِ صحیح حَدَّثَنَا أَبُو بَكْرِ بْنُ أَبِي شَيْبَةَ حَدَّثَنَا هُشَيْمٌ عَنْ يَعْلَى بْنِ عَطَاءٍ عَنْ عُمَارَةَ بْنِ حَدِيدٍ عَنْ صَخْرٍ الْغَامِدِيِّ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ اللَّهُمَّ بَارِكْ لِأُمَّتِي فِي بُكُورِهَا قَالَ وَكَانَ إِذَا بَعَثَ سَرِيَّةً أَوْ جَيْشًا بَعَثَهُمْ فِي أَوَّلِ النَّهَارِ قَالَ وَكَانَ صَخْرٌ رَجُلًا تَاجِرًا فَكَانَ يَبْعَثُ تِجَارَتَهُ فِي أَوَّلِ النَّهَارِ فَأَثْرَى وَكَثُرَ مَالُهُ

کتاب: تجارت سے متعلق احکام ومسائل باب: صبح صبح کام کرنے میں برکت کی امید ہے حضرت صخر بن وداعہ غامدی ؓ سے روایت ہے، رسول اللہ ﷺ نے فرمایا: اے اللہ! میری امت کے لیے صبھ کا وقت بابرکت بنا دے۔ انہوں نے کہا: رسول اللہ ﷺ جب کوئی فوجی دستہ یا لشکر روانہ فرماتے تو صبح کے وقت روانہ فرماتے تھے۔ حضرت عمارہ بن حدید ؓ نے کہا: حضرت صخر ؓ تاجر تھے، وہ اپنا تجارتی قافلہ صبح کے وقت روانہ فرمایا کرتے تھے، چنانچہ وہ خوشحال ہو گئے اور ان کا مال زیادہ ہو گیا۔
تشریح : (1)صبح کا وقت بابرکت ہے ، لہذا اسے مفید کاموں میں صرف کرنا چاہیے ، غفلت اور نیند میں ضائع نہیں کرنا چاہیے ۔ (2) صبح جلدی دکان کھولنا تاجر کے لیے باعث برکت ہے ۔ (1)صبح کا وقت بابرکت ہے ، لہذا اسے مفید کاموں میں صرف کرنا چاہیے ، غفلت اور نیند میں ضائع نہیں کرنا چاہیے ۔ (2) صبح جلدی دکان کھولنا تاجر کے لیے باعث برکت ہے ۔