كِتَابُ النِّكَاحِ بَابُ النَّهْيِ عَنْ إِتْيَانِ النِّسَاءِ فِي أَدْبَارِهِنَّ صحیح حَدَّثَنَا أَحْمَدُ بْنُ عَبْدَةَ قَالَ: أَنْبَأَنَا عَبْدُ الْوَاحِدِ بْنُ زِيَادٍ، عَنْ حَجَّاجِ بْنِ أَرْطَاةَ، عَنْ عَمْرِو بْنِ شُعَيْبٍ، عَنْ عَبْدِ اللَّهِ بْنِ هَرَمِيٍّ، عَنْ خُزَيْمَةَ بْنِ ثَابِتٍ، قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ: «إِنَّ اللَّهَ لَا يَسْتَحْيِي مِنَ الْحَقِّ، ثَلَاثَ مَرَّاتٍ، لَا تَأْتُوا النِّسَاءَ فِي أَدْبَارِهِنَّ»

کتاب: نکاح سے متعلق احکام و مسائل باب: عورت کی دبر میں مجامعت کرنے کی حرمت کا بیان حضرت خزیمہ بن ثابت ؓ سے روایت ہے، رسول اللہ ﷺ نے تین بار فرمایا: بے شک اللہ تعالیٰ حق بات سے نہیں شرماتا۔ پھر فرمایا: عورتوں سے ان کی پیٹھوں میں مجامعت نہ کرو۔
تشریح : 1۔جن مسائل کا تعلق اعضائے مستورہ سے ہے ، اکثر ان کو بیان کرنے میں شرم محسوس ہوتی ہے لیکن انہیں بیان کرنا بھی ضروری ہے ، البتہ الفاظ کا انتخاب مناسب ہونا چاہیے اور نابالغ بچوں کے سامنے بیان نہ کیے جائیں ۔ بہتر یہ ہے کہ درس اور تقریر وغیرہ میں یہ مسائل اشارتا بیان کیے جائیں اور پروائیویٹ مجلس میں مناسب انداز سے صراحت کر دی جائے ۔ دبر نجاست کی جگہ ہے اس لیے مومن اس سے اجتناب کرتا ہے ۔ ویسے بھی یہ مقام اس مقصد کے لیے نہیں بنایا گیا اور طبی طور پر اس کے بہت سے نقصانات ہیں ۔ جن میں ایک نقصان حال ہی میں ’’ ایڈز‘‘ کی بیماری کی صورت میں سامنے آیا ہے ۔ جائز مقام ( قبل ) بھی نجاست کے ایام میں ممنوع ہو جاتا ہے تو جو مقام ( دبر ) نجاست ہی کے لیے ہے وہ کب جائز ہو سکتا ہے ۔ مرد کا مرد سے یا عورت کا عورت سے جنسی تعلق بہت بڑا گناہ ہے ۔ جنسی لواطت کی وجہ سے اللہ تعالیٰ نے حضرت لوط کی پوری قوم پر پتھر برسا کراور ان لوگوں کی بستیاں الٹ کر انہیں تباہ کر دیا تھا۔ 1۔جن مسائل کا تعلق اعضائے مستورہ سے ہے ، اکثر ان کو بیان کرنے میں شرم محسوس ہوتی ہے لیکن انہیں بیان کرنا بھی ضروری ہے ، البتہ الفاظ کا انتخاب مناسب ہونا چاہیے اور نابالغ بچوں کے سامنے بیان نہ کیے جائیں ۔ بہتر یہ ہے کہ درس اور تقریر وغیرہ میں یہ مسائل اشارتا بیان کیے جائیں اور پروائیویٹ مجلس میں مناسب انداز سے صراحت کر دی جائے ۔ دبر نجاست کی جگہ ہے اس لیے مومن اس سے اجتناب کرتا ہے ۔ ویسے بھی یہ مقام اس مقصد کے لیے نہیں بنایا گیا اور طبی طور پر اس کے بہت سے نقصانات ہیں ۔ جن میں ایک نقصان حال ہی میں ’’ ایڈز‘‘ کی بیماری کی صورت میں سامنے آیا ہے ۔ جائز مقام ( قبل ) بھی نجاست کے ایام میں ممنوع ہو جاتا ہے تو جو مقام ( دبر ) نجاست ہی کے لیے ہے وہ کب جائز ہو سکتا ہے ۔ مرد کا مرد سے یا عورت کا عورت سے جنسی تعلق بہت بڑا گناہ ہے ۔ جنسی لواطت کی وجہ سے اللہ تعالیٰ نے حضرت لوط کی پوری قوم پر پتھر برسا کراور ان لوگوں کی بستیاں الٹ کر انہیں تباہ کر دیا تھا۔