كِتَابُ إِقَامَةِ الصَّلَاةِ وَالسُّنَّةُ فِيهَا بَابٌ فِي حُسْنِ الصَّوْتِ بِالْقُرْآنِ حسن صحیح حَدَّثَنَا مُحَمَّدُ بْنُ يَحْيَى حَدَّثَنَا يَزِيدُ بْنُ هَارُونَ أَنْبَأَنَا مُحَمَّدُ بْنُ عَمْرٍو عَنْ أَبِي سَلَمَةَ عَنْ أَبِي هُرَيْرَةَ قَالَ دَخَلَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْمَسْجِدَ فَسَمِعَ قِرَاءَةَ رَجُلٍ فَقَالَ مَنْ هَذَا فَقِيلَ عَبْدُ اللَّهِ بْنُ قَيْسٍ فَقَالَ لَقَدْ أُوتِيَ هَذَا مِنْ مَزَامِيرِ آلِ دَاوُدَ

کتاب: نماز کی اقامت اور اس کا طریقہ باب: خوبصورت آواز سے قرآن مجید کی تلاوت کرنا سیدنا ابو ہریرہ ؓ سے روایت ہے انہوں نے فرمایا: رسول اللہ ﷺ مسجد میں داخل ہوئے تو ایک آدمی کی تلاوت کی آواز سنائی دی۔ فرمایا: ’’یہ کون ہے؟ ‘‘ عرض کی گئی: عبداللہ بن قیس ہیں۔ فرمایا: ’’اسے تو آل داؤدعلیہ السلام کا ایک ساز مل گیا ہے۔ ‘‘
تشریح : 1۔حضرت عبداللہ بن قیس رضی اللہ تعالیٰ عنہ جو حضرت ابو موسیٰ اشعری کے نام سے معروف ہیں خوش آواز تھے۔رسول اللہ صلی اللہ علیہ وسلم نے ان کی تلاوت کی تحسین فرمائی۔2۔اچھی آواز اللہ کی ایک نعمت ہے۔اس سے نیکی کے کاموں میں فائدہ اٹھانا قابل تعریف ہے۔3۔ساز سے مراد خوش کن آواز ہے۔ 1۔حضرت عبداللہ بن قیس رضی اللہ تعالیٰ عنہ جو حضرت ابو موسیٰ اشعری کے نام سے معروف ہیں خوش آواز تھے۔رسول اللہ صلی اللہ علیہ وسلم نے ان کی تلاوت کی تحسین فرمائی۔2۔اچھی آواز اللہ کی ایک نعمت ہے۔اس سے نیکی کے کاموں میں فائدہ اٹھانا قابل تعریف ہے۔3۔ساز سے مراد خوش کن آواز ہے۔