كِتَابُ إِقَامَةِ الصَّلَاةِ وَالسُّنَّةُ فِيهَا بَابُ مَا جَاءَ فِي الْقُنُوتِ فِي صَلَاةِ الْفَجْرِ صحیح حَدَّثَنَا نَصْرُ بْنُ عَلِيٍّ الْجَهْضَمِيُّ حَدَّثَنَا يَزِيدُ بْنُ زُرَيْعٍ حَدَّثَنَا هِشَامٌ عَنْ قَتَادَةَ عَنْ أَنَسِ بْنِ مَالِكٍ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ يَقْنُتُ فِي صَلَاةِ الصُّبْحِ يَدْعُو عَلَى حَيٍّ مِنْ أَحْيَاءِ الْعَرَبِ شَهْرًا ثُمَّ تَرَكَ

کتاب: نماز کی اقامت اور اس کا طریقہ باب: نماز فجر میں دعائے قنوت کا بیان سیدنا انس بن مالک ؓ سے روایت ہے کہ رسول اللہ ﷺ فجر کی نماز میں قنوت فرماتے تھے( قنوت میں) عرب کے ایک قبیلے کے خلاف ایک مہینے تک بددعا کرتے رہے تھے۔ پھر اسے ترک کر دیا۔
تشریح : 1۔رسول اللہ صلی اللہ علیہ وسلم نے یہ قنوت نازلہ قبیلہ مضر کے خلاف پڑھی تھی۔وہ لوگ اس وقت کافر تھے۔اور مسلمانوں کے لئے بہت سی مشکلات کا باعث تھے۔2۔ترک کرنے کا مطلب یہ ہےکہ اس قبیلے کے خلاف بددعا کرنی بند کردی۔کیونکہ جن کمزور مسلمانوں کے حق میں دعا کی جاتی تھی۔انھیں نجات مل گئی۔بعض نے اس جملے سے یہ سمجھا ہے۔ کہ بعد میں کبھی قنوت نازلہ نہیں پڑھی۔یہ سمجھنا غلط ہے۔ اب بھی حسب ضرورت قنوت نازلہ پڑھی جاسکتی ہے۔ 1۔رسول اللہ صلی اللہ علیہ وسلم نے یہ قنوت نازلہ قبیلہ مضر کے خلاف پڑھی تھی۔وہ لوگ اس وقت کافر تھے۔اور مسلمانوں کے لئے بہت سی مشکلات کا باعث تھے۔2۔ترک کرنے کا مطلب یہ ہےکہ اس قبیلے کے خلاف بددعا کرنی بند کردی۔کیونکہ جن کمزور مسلمانوں کے حق میں دعا کی جاتی تھی۔انھیں نجات مل گئی۔بعض نے اس جملے سے یہ سمجھا ہے۔ کہ بعد میں کبھی قنوت نازلہ نہیں پڑھی۔یہ سمجھنا غلط ہے۔ اب بھی حسب ضرورت قنوت نازلہ پڑھی جاسکتی ہے۔