كِتَابُ إِقَامَةِ الصَّلَاةِ وَالسُّنَّةُ فِيهَا بَابُ مَنْ كَانَ لَا يَرْفَعُ يَدَيْهِ فِي الْقُنُوتِ صحیح حَدَّثَنَا نَصْرُ بْنُ عَلِيٍّ الْجَهْضَمِيُّ حَدَّثَنَا يَزِيدُ بْنُ زُرَيْعٍ حَدَّثَنَا سَعِيدُ بْنُ أَبِي عَرُوبَةَ عَنْ قَتَادَةَ عَنْ أَنَسِ بْنِ مَالِكٍ أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ كَانَ لَا يَرْفَعُ يَدَيْهِ فِي شَيْءٍ مِنْ دُعَائِهِ إِلَّا عِنْدَ الِاسْتِسْقَاءِ فَإِنَّهُ كَانَ يَرْفَعُ يَدَيْهِ حَتَّى يُرَى بَيَاضُ إِبْطَيْهِ

کتاب: نماز کی اقامت اور اس کا طریقہ باب: قنو ت میں ہاتھ نہ اٹھانے کا بیان سیدنا انس بن مالک ؓ سے روایت ہے کہ اللہ کے نبی ﷺ اپنی کسی دعا میں ہاتھ نہیں اٹھاتے تھے مگر بارش کی دعا کرتے وقت ہاتھ( اس قدر) بلند کرتے تھے کہ آپ کی بغلون کی سفیدی نظر آجاتی۔
تشریح : 1۔امام ابن ماجہ رحمۃ اللہ علیہ نے اس حدیث سے یہ دلیل لی ہے کہ دعائے قنوت میں ہاتھ نہ اُٹھائے جایئں لیکن سنن بیہقی میں حضرت انس رضی اللہ تعالیٰ عنہ سے قنوت میں ہاتھ اُٹھانا مذکور ہے۔(السنن الکبریٰ للبہیقی 211/2) بعض دیگراحادیث میں اور مواقع پر ہاتھ اُٹھا کر دعا کرنا وارد ہے۔دیکھئے۔(صحیح مسلم الجھاد باب المداد بالملائکۃ فی غزوۃ بدر واباحۃ الغنائم حدیث 1763۔وصحیح البخاری الحج باب اذا رمی الجمرتین ۔۔۔حدیث 1751) اس لئے اس حدیث کا مطلب یہ ہوگاکہ بارش کی دعا میں ہاتھ زیادہ بلند کرتے تھے۔جب کہ دوسری اوقات میں اس طرح ہاتھ بلندنہیں کیے۔بلکہ کم بلند کئے ۔2۔دعائے قنوت وتر میں نبی کریمﷺ نے ہاتھ اُٹھائے یا نہیں؟اس کی بابت کوئی صراحت نہیں ہے البتہ دعائے قنوت نازلہ میں (جو رکوع کے بعد آپ نے مانگی ہے) آپ ﷺ کا ہاتھ اُٹھاناثابت ہے۔ اس لئے اس پر قیاس کرتے ہوئے دعا قنوت میں وتر میں بھی ہاتھ اُٹھانے صحیح ہوں گے۔علاوہ ازیں بعض صحابہ رضوان للہ عنہم اجمعین سےدعائے قنوت وتر میں ہاتھ اُٹھانے کاثبوت ملتا ہے۔اس لئے ہاتھ اُٹھا کردعائے قنوت پڑھنا بہتر ہے گوجواز بغیر ہاتھ اُٹھائے بھی ہے۔ 1۔امام ابن ماجہ رحمۃ اللہ علیہ نے اس حدیث سے یہ دلیل لی ہے کہ دعائے قنوت میں ہاتھ نہ اُٹھائے جایئں لیکن سنن بیہقی میں حضرت انس رضی اللہ تعالیٰ عنہ سے قنوت میں ہاتھ اُٹھانا مذکور ہے۔(السنن الکبریٰ للبہیقی 211/2) بعض دیگراحادیث میں اور مواقع پر ہاتھ اُٹھا کر دعا کرنا وارد ہے۔دیکھئے۔(صحیح مسلم الجھاد باب المداد بالملائکۃ فی غزوۃ بدر واباحۃ الغنائم حدیث 1763۔وصحیح البخاری الحج باب اذا رمی الجمرتین ۔۔۔حدیث 1751) اس لئے اس حدیث کا مطلب یہ ہوگاکہ بارش کی دعا میں ہاتھ زیادہ بلند کرتے تھے۔جب کہ دوسری اوقات میں اس طرح ہاتھ بلندنہیں کیے۔بلکہ کم بلند کئے ۔2۔دعائے قنوت وتر میں نبی کریمﷺ نے ہاتھ اُٹھائے یا نہیں؟اس کی بابت کوئی صراحت نہیں ہے البتہ دعائے قنوت نازلہ میں (جو رکوع کے بعد آپ نے مانگی ہے) آپ ﷺ کا ہاتھ اُٹھاناثابت ہے۔ اس لئے اس پر قیاس کرتے ہوئے دعا قنوت میں وتر میں بھی ہاتھ اُٹھانے صحیح ہوں گے۔علاوہ ازیں بعض صحابہ رضوان للہ عنہم اجمعین سےدعائے قنوت وتر میں ہاتھ اُٹھانے کاثبوت ملتا ہے۔اس لئے ہاتھ اُٹھا کردعائے قنوت پڑھنا بہتر ہے گوجواز بغیر ہاتھ اُٹھائے بھی ہے۔