كِتَابُ الْبُيُوعِ أَبْوَابُ السَّلَمِ وَالْقَرْضِ، وَالرَّهْنِ. صحيح وَعَنْ عَبْدِ الرَّحْمَنِ بْنِ أَبْزَى، وَعَبْدِ اللَّهِ بْنِ أَبِي أَوْفَى -رَضِيَ اللَّهُ عَنْهُمَا- قَالَا: كُنَّا نُصِيبُ الْمَغَانِمَ مَعَ رَسُولِ اللَّهِ - صلى الله عليه وسلم - وَكَانَ يَأْتِينَا أَنْبَاطٌ مِنْ أَنْبَاطِ الشَّامِ، فَنُسْلِفُهُمْ فِي الْحِنْطَةِ وَالشَّعِيرِ وَالزَّبِيبِ. وَفِي رِوَايَةٍ: وَالزَّيْتِ إِلَى أَجَلٍ مُسَمًّى. قِيلَ: أَكَانَ لَهُمْ زَرْعٌ؟ قَالَا: مَا كُنَّا نَسْأَلُهُمْ عَنْ ذَلِكَ. رَوَاهُ الْبُخَارِيُّ.
کتاب: خرید و فروخت سے متعلق احکام و مسائل
باب: بیع سلم‘ قرض اور رہن کا بیان
حضرت عبدالرحمن بن ابزیٰ اور عبداللہ بن ابی اوفی رضی اللہ عنہما سے روایت ہے کہ ہم رسول اللہ صلی اللہ علیہ وسلم کے ساتھ (غزوات میں شرکت کر کے) غنیمت کا حصہ لیتے تھے۔ ملک شام کے کچھ نبطی لوگ ہمارے پاس آیا کرتے تھے‘ ہم انھیں گندم‘ جو اور منقیٰ اور ایک روایت میں زیتون کا بھی ذکر ہے‘ کی پیشگی رقم دے کر ایک مدت مقررہ تک بیع سلم کرتے تھے؟ پوچھا گیا کہ کیا وہ خود کھیتی باڑی کرتے تھے تو دونوں نے جواب دیا کہ ہم نے ان سے یہ کبھی دریافت نہیں کیا تھا۔ (بخاری)
تشریح :
1. اس حدیث سے معلوم ہوا کہ بیع سلم کرتے وقت جنس موجود نہ بھی ہو پھر بھی بیع درست ہے‘ البتہ بیچی اور خریدی جانے والی چیز کی مقدار‘ نوعیت‘ مطلوبہ چیز کی ادائیگی اور وصولی کا وقت اور دوسرے ایسے معاملات کا پہلے سے تعین کر لیا جائے جن میں اختلاف ہونے کا خطرہ ہے۔ 2. ائمہ میں سے امام شافعی اور امام مالک رحمہما اللہ کی رائے یہی ہے‘ البتہ امام ابوحنیفہ رحمہ اللہ کے نزدیک معاہدے کے آغاز سے لے کر اختتام معاہدہ تک وہ چیز دستیاب رہے‘ اس دوران میں کسی موقع پر اس کا فقدان نہ ہو اور ملنا دشوار و محال نہ ہو‘ تاہم پہلے ائمہ کی رائے زیادہ راجح معلوم ہوتی ہے کیونکہ اگر ایسی شرط ضروری ہوتی تو صحابۂ کرام رضی اللہ عنہم ضرور ان سے پوچھ لیتے کہ یہ چیز اب سے لے کر وقت ادائیگی تک بازار میں دستیاب رہے گی؟ واللّٰہ أعلم۔ راوئ حدیث: [حضرت عبدالرحمن بن ابزیٰ رضی اللہ عنہ ] أبزیٰ کے ’’ہمزہ‘‘ پر فتحہ‘ ’’با‘‘ ساکن اور ’’زا‘‘ پر فتحہ ہے۔ قبیلۂ خزاعہ میں سے تھے۔ صغار صحابہ میں شمار ہوتے ہیں۔ قبیلۂخزاعہ کے آزاد کردہ غلام تھے۔ نبی صلی اللہ علیہ وسلم کو پایا اور آپ کی اقتدا میں نماز ادا کی۔ کوفہ میں سکونت اختیار کی۔ حضرت علی رضی اللہ عنہ نے اپنے دور خلافت میں انھیں خراسان پر عامل مقرر فرمایا۔ کوفہ میں وفات پائی۔
تخریج :
أخرجه البخاري، السلم، باب السّلم إلى أجلٍ معلومٍ، حديث:2254، 2255.
1. اس حدیث سے معلوم ہوا کہ بیع سلم کرتے وقت جنس موجود نہ بھی ہو پھر بھی بیع درست ہے‘ البتہ بیچی اور خریدی جانے والی چیز کی مقدار‘ نوعیت‘ مطلوبہ چیز کی ادائیگی اور وصولی کا وقت اور دوسرے ایسے معاملات کا پہلے سے تعین کر لیا جائے جن میں اختلاف ہونے کا خطرہ ہے۔ 2. ائمہ میں سے امام شافعی اور امام مالک رحمہما اللہ کی رائے یہی ہے‘ البتہ امام ابوحنیفہ رحمہ اللہ کے نزدیک معاہدے کے آغاز سے لے کر اختتام معاہدہ تک وہ چیز دستیاب رہے‘ اس دوران میں کسی موقع پر اس کا فقدان نہ ہو اور ملنا دشوار و محال نہ ہو‘ تاہم پہلے ائمہ کی رائے زیادہ راجح معلوم ہوتی ہے کیونکہ اگر ایسی شرط ضروری ہوتی تو صحابۂ کرام رضی اللہ عنہم ضرور ان سے پوچھ لیتے کہ یہ چیز اب سے لے کر وقت ادائیگی تک بازار میں دستیاب رہے گی؟ واللّٰہ أعلم۔ راوئ حدیث: [حضرت عبدالرحمن بن ابزیٰ رضی اللہ عنہ ] أبزیٰ کے ’’ہمزہ‘‘ پر فتحہ‘ ’’با‘‘ ساکن اور ’’زا‘‘ پر فتحہ ہے۔ قبیلۂ خزاعہ میں سے تھے۔ صغار صحابہ میں شمار ہوتے ہیں۔ قبیلۂخزاعہ کے آزاد کردہ غلام تھے۔ نبی صلی اللہ علیہ وسلم کو پایا اور آپ کی اقتدا میں نماز ادا کی۔ کوفہ میں سکونت اختیار کی۔ حضرت علی رضی اللہ عنہ نے اپنے دور خلافت میں انھیں خراسان پر عامل مقرر فرمایا۔ کوفہ میں وفات پائی۔