كِتَابُ الصَّلَاةِ بَابُ صَلَاةِ التَّطَوُّعِ صحيح وَعَنْهُ رضي الله عنه قَالَ: قَالَ رَسُولُ اللَّهِ - صلى الله عليه وسلم: ((مَنْ نَامَ عَنْ الْوِتْرِ أَوْ نَسِيَهُ فَلْيُصَلِّ إِذَا أَصْبَحَ أَوْ ذَكَرَ)). رَوَاهُ الْخَمْسَةُ إِلَّا النَّسَائِيَّ.

کتاب: نماز سے متعلق احکام و مسائل باب: نفل نماز کا بیان حضرت ابوسعید خدری رضی اللہ عنہ ہی سے مروی ہے‘ رسول اللہ صلی اللہ علیہ وسلم نے فرمایا: ’’جو وتر پڑھنے سے سویا رہا (آنکھ نہ کھلی) یا اسے یاد نہ رہا تو اسے چاہیے کہ صبح کے وقت پڑھ لے یا پھر جب اسے یاد آئے۔‘‘ (اسے نسائی کے علاوہ پانچوں نے روایت کیا ہے۔)
تشریح : اس حدیث سے معلوم ہوا کہ جب وتر کسی طرح پڑھنے سے رہ جائیں تو انھیں بہرصورت پڑھنا چاہیے۔ اس سے نماز وتر کی اہمیت معلوم ہوتی ہے۔ وتروں کی قضا سے متعلق دیکھیے‘ حدیث : ۳۰۰۔
تخریج : أخرجه أبوداود، الصلاة، باب في الدعاء بعد الوتر، حديث:1431، والترمذي، الوتر، حديث:465، وابن ماجه، إقامة الصلوات، حديث:1188، وأحمد:3 /31. اس حدیث سے معلوم ہوا کہ جب وتر کسی طرح پڑھنے سے رہ جائیں تو انھیں بہرصورت پڑھنا چاہیے۔ اس سے نماز وتر کی اہمیت معلوم ہوتی ہے۔ وتروں کی قضا سے متعلق دیکھیے‘ حدیث : ۳۰۰۔