كِتَاب الْأَيْمَانُ وَالنُّذُورُ بَاب الْأَيْمَانُ وَالنُّذُورُ صحيح وَعَنْ عُقْبَةَ بْنِ عَامِرٍ - رضي الله عنه - قَالَ: قَالَ رَسُولُ اللَّهِ - صلى الله عليه وسلم: ((كَفَّارَةُ النَّذْرِ كَفَّارَةُ يَمِينٍ)). رَوَاهُ مُسْلِمٌ. وَزَادَ التِّرْمِذِيُّ فِيهِ: إِذَا لَمْ يُسَمِّ -، وَصَحَّحَهُ. وَلِأَبِي دَاوُدَ: مِنْ حَدِيثِ ابْنِ عَبَّاسٍ مَرْفُوعًا: ((مَنْ نَذَرَ نَذْرًا لَمْ يُسَمِّهِ، فَكَفَّارَتُهُ كَفَّارَةُ يَمِينٍ، وَمَنْ نَذَرَ نَذْرًا فِي مَعْصِيَةٍ، فَكَفَّارَتُهُ كَفَّارَةُ يَمِينٍ، وَمَنْ نَذَرَ نَذْرًا لَا يُطِيقُهُ، فَكَفَّارَتُهُ كَفَّارَةُ يَمِينٍ)). وَإِسْنَادُهُ صَحِيحٌ; إِلَّا أَنَّ الْحُفَّاظَ رَجَّحُوا وَقْفَهُ. وَلِلْبُخَارِيِّ: مِنْ حَدِيثِ عَائِشَةَ: ((وَمَنْ نَذَرَ أَنْ يَعْصِيَ اللَّهَ فَلَا يَعْصِهِ)). وَلِمُسْلِمٍ: مِنْ حَدِيثِ عِمْرَانَ: ((لَا وَفَاءَ لِنَذْرٍ فِي مَعْصِيَةٍ)).
کتاب: قسموں اور نذروں سے متعلق احکام و مسائل
باب: قسموں اور نذروں سے متعلق احکام و مسائل
حضرت عقبہ بن عامر رضی اللہ عنہ سے مروی ہے‘ رسول اللہ صلی اللہ علیہ وسلم نے فرمایا ’’نذر کا کفارہ قسم والا کفارہ ہی ہے۔‘‘ (مسلم) ترمذی نے اس میں یہ اضافہ نقل کیا ہے: ’’جب اس کی تعیین نہ کرے۔‘‘ (اور اسے صحیح بھی قرار دیا ہے۔)اور ابوداود میں حضرت ابن عباس رضی اللہ عنہما سے مرفوع روایت میں ہے: ’’جس کسی نے ایسی نذر مانی جس کی تعیین نہ کی تو اس کا کفارہ‘ قسم کا کفارہ ہے۔ اور جس نے معصیت کی نذر مانی تو اس کا کفارہ بھی کفارۂ قسم ہی ہے۔ اور جس نے ایسی نذر مانی جس کی وہ طاقت نہیں رکھتا تو اس کا کفارہ بھی قسم کا کفارہ ہی ہے۔‘‘ (اس کی سند صحیح ہے مگر حفاظ حدیث نے اس روایت کے موقوف ہونے کو راجح قرار دیا ہے۔) اور بخاری میں حضرت عائشہ رضی اللہ عنہا سے مروی حدیث میں ہے: ’’جس نے اللہ کی نافرمانی کرنے کی نذر مانی تو وہ اللہ کی نافرمانی نہ کرے۔‘‘ اور مسلم میں حضرت عمران رضی اللہ عنہ سے مروی حدیث میں ہے: ’’معصیت کی نذر کو پورا کرنا درست نہیں۔‘‘
تشریح :
1. [کَفَّارَۃُ یَمِینٍ] قسم کا کفارہ ارشاد الٰہی کے مطابق یوں ہے: ﴿اِطْعَامُ عَشَرَۃِ مَسَاکِیْنَ مِنْ اَوْسَطِ مَا تُطْعِمُوْنَ اَھْلِیْکُمْ اَوْکِسْوَتُھُمْ اَوْ تَحْرِیْرُ رَقَبَۃٍ فَمَنْ لَّمْ یَجِدْ فَصِیَامُ ثَلٰثَۃِ اَیَّامٍ ذٰلِکَ کَفَّارَۃُ اَیْمَانِکُمْ اِذَا حَلَفْتُمْ﴾ (المآئدۃ۵:۸۹)’’دس مساکین کو اوسط درجے کا کھانا کھلانا ہے جو تم اپنے اہل و عیال کو کھلاتے ہو‘ یا انھیں کپڑے دینا یا غلام آزاد کرنا ہے۔ جو شخص اس کی ہمت نہ رکھتا ہو تو اسے تین روزے رکھنے ہوں گے۔ یہ ہے تمھاری قسموں کا کفارہ جب تم قسم کھا لو۔‘‘ 2. امام شوکانی رحمہ اللہ نے نذر سے متعلق تمام روایات کو جمع کرنے کے بعد یہ خلاصہ تحریر کیا ہے کہ اگر معین نذرنیکی سے متعلق ہو‘ لیکن اس پر عمل کرنا طاقت سے باہر ہو تو اس میں قسم کا کفارہ ہے ۔اور اگر وہ انسانی طاقت و وسعت کے اندر ہو تو اس کا پورا کرنا واجب ہے‘ چاہے اس کا تعلق بدن سے ہو یا مال سے۔ اور اگر وہ نذر کسی معصیت کی ہو تو اسے پورا نہ کرنا واجب ہے لیکن اس میں کفارے کی ادائیگی ضروری نہیں۔ جمہور علماء کا یہی موقف ہے، تاہم امام احمد، امام ابو حنیفہ اور بعض محققین کے نزدیک ضروری ہے جیسا کہ شیخ البانی رحمہ اللہ نے سلسلہ صحیحہ میں اس پربحث کی ہے۔ دیکھیے: (سلسلۃ الأحادیث الصحیحۃ: ۱ /۸۶۳،۸۶۴، رقم: ۴۷۹) اگر اس نذر کا تعلق جائز اور مباح امر سے ہو اور وہ انسانی طاقت سے بالا بھی نہ ہو تو وہ نذر بھی منعقد ہو جائے گی اور اس میں کفارے کی ادائیگی بھی لازم ہو گی‘ جیسے پیدل حج کرنے والی صحابیہ کو آپ نے پیدل حج پر جانے سے منع فرمایا اور اسے سوار ہونے اور کفارہ ادا کرنے کا حکم دیا۔ اور اگر وہ کام انسانی طاقت سے بالا ہو تو اس میں کفارہ واجب ہے۔ مزید تفصیل کے لیے دیکھیے: (نیل الأوطار‘ أبواب الأیمان وکفارتھا‘ باب من نذر نذرا لم یسمہ ولا یطیقہ:۸ /۲۷۶۔۲۷۸)
تخریج :
أخرجه مسلم، النذر، باب في كفارة النذر، حديث:1645، والترمذي، النذور والأيمان، حديث:1528، وحديث ابن عباس: أخرجه أبوداود، الأيمان والنذور، حديث:3322، وسنده حسن، وحديث عائشة: أخرجه البخاري، الأيمان والنذور، حديث:6700، وحديث عمران: أخرجه مسلم، النذر، حديث:1641.
1. [کَفَّارَۃُ یَمِینٍ] قسم کا کفارہ ارشاد الٰہی کے مطابق یوں ہے: ﴿اِطْعَامُ عَشَرَۃِ مَسَاکِیْنَ مِنْ اَوْسَطِ مَا تُطْعِمُوْنَ اَھْلِیْکُمْ اَوْکِسْوَتُھُمْ اَوْ تَحْرِیْرُ رَقَبَۃٍ فَمَنْ لَّمْ یَجِدْ فَصِیَامُ ثَلٰثَۃِ اَیَّامٍ ذٰلِکَ کَفَّارَۃُ اَیْمَانِکُمْ اِذَا حَلَفْتُمْ﴾ (المآئدۃ۵:۸۹)’’دس مساکین کو اوسط درجے کا کھانا کھلانا ہے جو تم اپنے اہل و عیال کو کھلاتے ہو‘ یا انھیں کپڑے دینا یا غلام آزاد کرنا ہے۔ جو شخص اس کی ہمت نہ رکھتا ہو تو اسے تین روزے رکھنے ہوں گے۔ یہ ہے تمھاری قسموں کا کفارہ جب تم قسم کھا لو۔‘‘ 2. امام شوکانی رحمہ اللہ نے نذر سے متعلق تمام روایات کو جمع کرنے کے بعد یہ خلاصہ تحریر کیا ہے کہ اگر معین نذرنیکی سے متعلق ہو‘ لیکن اس پر عمل کرنا طاقت سے باہر ہو تو اس میں قسم کا کفارہ ہے ۔اور اگر وہ انسانی طاقت و وسعت کے اندر ہو تو اس کا پورا کرنا واجب ہے‘ چاہے اس کا تعلق بدن سے ہو یا مال سے۔ اور اگر وہ نذر کسی معصیت کی ہو تو اسے پورا نہ کرنا واجب ہے لیکن اس میں کفارے کی ادائیگی ضروری نہیں۔ جمہور علماء کا یہی موقف ہے، تاہم امام احمد، امام ابو حنیفہ اور بعض محققین کے نزدیک ضروری ہے جیسا کہ شیخ البانی رحمہ اللہ نے سلسلہ صحیحہ میں اس پربحث کی ہے۔ دیکھیے: (سلسلۃ الأحادیث الصحیحۃ: ۱ /۸۶۳،۸۶۴، رقم: ۴۷۹) اگر اس نذر کا تعلق جائز اور مباح امر سے ہو اور وہ انسانی طاقت سے بالا بھی نہ ہو تو وہ نذر بھی منعقد ہو جائے گی اور اس میں کفارے کی ادائیگی بھی لازم ہو گی‘ جیسے پیدل حج کرنے والی صحابیہ کو آپ نے پیدل حج پر جانے سے منع فرمایا اور اسے سوار ہونے اور کفارہ ادا کرنے کا حکم دیا۔ اور اگر وہ کام انسانی طاقت سے بالا ہو تو اس میں کفارہ واجب ہے۔ مزید تفصیل کے لیے دیکھیے: (نیل الأوطار‘ أبواب الأیمان وکفارتھا‘ باب من نذر نذرا لم یسمہ ولا یطیقہ:۸ /۲۷۶۔۲۷۸)