كِتَابُ الْحُدُودِ بَابُ حَدِّ الشَّارِبِ وَبَيَانِ الْمُسْكِرِ صحيح وَعَنْ عُمَرَ - رضي الله عنه - قَالَ: نَزَلَ تَحْرِيمُ الْخَمْرِ، وَهِيَ مِنْ خَمْسَةٍ: مِنَ الْعِنَبِ، وَالتَّمْرِ، وَالْعَسَلِ، وَالْحِنْطَةِ، وَالشَّعِيرِ. وَالْخَمْرُ: مَا خَامَرَ الْعَقْلَ. مُتَّفَقٌ عَلَيْهِ.

کتاب: حدود سے متعلق احکام و مسائل باب: شراب پینے والے کی حد اور نشہ آور چیزوں کا بیان حضرت عمر رضی اللہ عنہ سے روایت ہے کہ تحریم شراب کا حکم نازل ہوا تو اس وقت وہ پانچ چیزوں سے تیار کی جاتی تھی: انگور‘ کھجور‘ شہد‘ گندم اور جو سے۔ اور خمر(شراب) ہر وہ چیز ہے جو عقل کو ڈھانپ لے۔ (بخاری و مسلم)
تشریح : 1. مذکورہ حدیث میں پانچ چیزوں سے شراب تیار کرنے کا ذکر ہے کیونکہ اس دور میں عموماً انھی سے شراب تیار کی جاتی تھی۔ 2.خمر‘ یعنی شراب اسے کہتے ہیں جو عقل کو ڈھانپ لے اور حواس پر غالب آجائے‘ اس لیے یہ اثر جس چیزمیں بھی پایا جائے وہ حرام ہے‘ خواہ وہ کھجور‘ انگور یا کسی اور چیز سے تیار کردہ شراب ہو یا کوئی اورنشہ آور شے۔
تخریج : أخرجه البخاري، الأشربة، باب الخمر من العنب وغيره، حديث:5581، ومسلم، التفسير، باب في نزول تحريم الخمر، حديث:3032. 1. مذکورہ حدیث میں پانچ چیزوں سے شراب تیار کرنے کا ذکر ہے کیونکہ اس دور میں عموماً انھی سے شراب تیار کی جاتی تھی۔ 2.خمر‘ یعنی شراب اسے کہتے ہیں جو عقل کو ڈھانپ لے اور حواس پر غالب آجائے‘ اس لیے یہ اثر جس چیزمیں بھی پایا جائے وہ حرام ہے‘ خواہ وہ کھجور‘ انگور یا کسی اور چیز سے تیار کردہ شراب ہو یا کوئی اورنشہ آور شے۔