كِتَابُ تَفْسِيرِ القُرْآنِ بَابُ قَوْلِهِ {وَالَّذِينَ يُتَوَفَّوْنَ مِنْكُمْ وَيَذَرُونَ أَزْوَاجًا} صحيح حدثني عبد الله بن أبي الأسود، حدثنا حميد بن الأسود، ويزيد بن زريع، قالا حدثنا حبيب بن الشهيد، عن ابن أبي مليكة، قال قال ابن الزبير قلت لعثمان هذه الآية التي في البقرة {والذين يتوفون منكم ويذرون أزواجا} إلى قوله {غير إخراج} قد نسختها الأخرى، فلم تكتبها قال تدعها. يا ابن أخي لا أغير شيئا منه من مكانه. قال حميد أو نحو هذا.
کتاب: قرآن پاک کی تفسیر کے بیان میں باب: آیت ((والذین یتوفون منکم ویذرون ازواجا ) کی تفسیر مجھ سے عبداللہ بن ابی اسود نے بیان کیا ، کہا ہم سے حمید بن اسود اور یزید بن زریع نے بیان کیا ، کہا کہ ہم سے حبیب بن شہید نے بیان کیا ، ان سے ابن ابی ملیکہ نے بیان کیا کہ حضرت ابن زبیر رضی اللہ عنہما نے حضرت عثمان بن عفان رضی اللہ عنہ سے کہا کہ سورۃ بقرہ کی آیت یعنی ” جو لوگ تم میں سے وفات پا جائیں اور بیویاں چھوڑ جائیں “ اللہ تعالیٰ کے فرمان ” غیر اخراج “ تک کو دوسری آیت نے منسوخ کردیا ہے ۔ اس کو آپ نے مصحف میں کیوں لکھوایا ، چھوڑ کیوں نہیں دیا ؟ انہوں نے کہا ، میرے بھتیجے ! میں کسی آیت کو اس کے ٹھکانے سے بدلنے والا نہیں ۔ یہ حمید نے کہا یا کچھ ایسا ہی جواب دیا ۔ ( اس پرتفصیلی نوٹ پیچھے لکھا جا چکا ہے ۔ )