كِتَابُ المَنَاقِبِ بَابُ عَلاَمَاتِ النُّبُوَّةِ فِي الإِسْلاَمِ صحيح حَدَّثَنِي عَبْدُ اللَّهِ بْنُ مُحَمَّدٍ حَدَّثَنَا عَبْدُ الرَّزَّاقِ أَخْبَرَنَا مَعْمَرٌ عَنْ هَمَّامٍ عَنْ أَبِي هُرَيْرَةَ رَضِيَ اللَّهُ عَنْهُ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ لَا تَقُومُ السَّاعَةُ حَتَّى يَقْتَتِلَ فِئَتَانِ فَيَكُونَ بَيْنَهُمَا مَقْتَلَةٌ عَظِيمَةٌ دَعْوَاهُمَا وَاحِدَةٌ وَلَا تَقُومُ السَّاعَةُ حَتَّى يُبْعَثَ دَجَّالُونَ كَذَّابُونَ قَرِيبًا مِنْ ثَلَاثِينَ كُلُّهُمْ يَزْعُمُ أَنَّهُ رَسُولُ اللَّهِ

کتاب: فضیلتوں کے بیان میں باب: آنحضرت ﷺکےمعجزات یعنی نبوت کی نشانیوں کابیان ہم سے عبداللہ بن محمد مسندی نے بیان کیا ، کہا ہم سے عبدالرزاق نے بیان کیا ، کہاہم کو معمر نے خبردی ، انہیں ہمام نے اور انہیں حضرت ابوہریرہ رضی اللہ عنہ نے کہ نبی کریم صلی اللہ علیہ وسلم نے فرمایا : قیامت اس وقت تک قائم نہ ہوگی جب تک دوجماعتیں آپس میں جنگ نہ کرلیں ۔ دونوں میں بڑی بھاری جنگ ہوگی ۔ حالانکہ دونوں کا دعویٰ ایک ہی ہوگا اور قیامت اس وقت تک قائم نہ ہوگی جب تک تقریباً تیس جھوٹے دجال پیدا نہ ہولیں ۔ ان میں ہرایک کا یہی گمان ہوگا کہ وہ اللہ کا نبی ہے ۔
تشریح : ان میں سے اکثر پیدا ہوچکے ہیں جن کا ذکر تواریخ اسلام کے صفحات پر موجود ہے۔ ایک صاحب ہندوستان میں بھی پیدا ہوچکے ہیں جنہوں نے نبوت ورسالت کا دعویٰ کرکے ایک خلق کثیر کو گمراہ کرڈالا تھا۔ اللھم اھدھم۔ دوجماعتوں کا اشارہ جنگ صفین کی طرف ہے جو دومسلم جماعتوں ہی کے درمیان ہوئی تھی جیسا کہ ابھی بیان ہواہے۔ ان میں سے اکثر پیدا ہوچکے ہیں جن کا ذکر تواریخ اسلام کے صفحات پر موجود ہے۔ ایک صاحب ہندوستان میں بھی پیدا ہوچکے ہیں جنہوں نے نبوت ورسالت کا دعویٰ کرکے ایک خلق کثیر کو گمراہ کرڈالا تھا۔ اللھم اھدھم۔ دوجماعتوں کا اشارہ جنگ صفین کی طرف ہے جو دومسلم جماعتوں ہی کے درمیان ہوئی تھی جیسا کہ ابھی بیان ہواہے۔