كِتَابُ بَابُ مَنْ بَخِلَ بِالسَّلَامِ حَدَّثَنَا إِسْمَاعِيلُ بْنُ أَبَانَ قَالَ: حَدَّثَنَا عَلِيُّ بْنُ مُسْهِرٍ، عَنْ عَاصِمٍ، عَنْ أَبِي عُثْمَانَ، عَنْ أَبِي هُرَيْرَةَ قَالَ: أَبْخَلُ النَّاسِ الَّذِي يَبْخَلُ بِالسَّلَامِ، وَإِنَّ أَعْجَزَ النَّاسِ مَنْ عَجَزَ بِالدُّعَاءِ

کتاب جو سلام کہنے میں بخل کرے سیدنا ابوہریرہ رضی اللہ عنہ سے روایت ہے، انہوں نے فرمایا:لوگوں میں سب سے بڑا بخیل وہ ہے جو سلام میں بخل کرے اور سب سے عاجز اور بے بس وہ ہے جو دعا کرنے سے بھی عاجز ہو۔
تشریح : (۱)یہ روایت موقوفاً اور مرفوعاً دونوں طرح ثابت ہے۔ (الصحیحة، ح:۶۰۱) (۲) نبی صلی اللہ علیہ وسلم نے عجز اور کسل مندی سے پناہ طلب کی ہے اور سب سے بڑی بد نصیبی یہ ہے کہ انسان سے دعا کی توفیق ہی چھن جائے اور اسے اللہ تعالیٰ کے سامنے اپنی ضرورتیں رکھنے کا موقعہ بھی نہ ملے۔
تخریج : صحیح الإسناد موقوفا وصح مرفوعا:صحیح ابن حبان (ابن بلبان)، حدیث:۴۴۹۸۔ (۱)یہ روایت موقوفاً اور مرفوعاً دونوں طرح ثابت ہے۔ (الصحیحة، ح:۶۰۱) (۲) نبی صلی اللہ علیہ وسلم نے عجز اور کسل مندی سے پناہ طلب کی ہے اور سب سے بڑی بد نصیبی یہ ہے کہ انسان سے دعا کی توفیق ہی چھن جائے اور اسے اللہ تعالیٰ کے سامنے اپنی ضرورتیں رکھنے کا موقعہ بھی نہ ملے۔