کِتَابُ تَفْرِيعِ اسْتِفْتَاحِ الصَّلَاةِ بَابُ فِي الدُّعَاءِ فِي الرُّكُوعِ وَالسُّجُودِ صحیح حَدَّثَنَا مُسَدَّدٌ حَدَّثَنَا سُفْيَانُ عَنْ سُلَيْمَانَ بْنِ سُحَيْمٍ عَنْ إِبْرَاهِيمَ بْنِ عَبْدِ اللَّهِ بْنِ مَعْبَدٍ عَنْ أَبِيهِ عَنْ ابْنِ عَبَّاسٍ أَنَّ النَّبِيَّ صَلَّى اللَّهُ عَلَيْهِ وَسَلَّمَ كَشَفَ السِّتَارَةَ وَالنَّاسُ صُفُوفٌ خَلْفَ أَبِي بَكْرٍ فَقَالَ يَا أَيُّهَا النَّاسُ إِنَّهُ لَمْ يَبْقَ مِنْ مُبَشِّرَاتِ النُّبُوَّةِ إِلَّا الرُّؤْيَا الصَّالِحَةُ يَرَاهَا الْمُسْلِمُ أَوْ تُرَى لَهُ وَإِنِّي نُهِيتُ أَنْ أَقْرَأَ رَاكِعًا أَوْ سَاجِدًا فَأَمَّا الرُّكُوعُ فَعَظِّمُوا الرَّبَّ فِيهِ وَأَمَّا السُّجُودُ فَاجْتَهِدُوا فِي الدُّعَاءِ فَقَمِنٌ أَنْ يُسْتَجَابَ لَكُمْ

کتاب: نماز شروع کرنے کے احکام ومسائل باب: رکوع اور سجدے میں دعا کرنے کا بیان سیدنا ابن عباس ؓ سے منقول ہے کہ نبی کریم ﷺ نے ( اپنے مرض وفات کے دنوں میں ) پردہ ہٹایا جبکہ لوگ سیدنا ابوبکر ؓ کے پیچھے صفیں بنائے ہوئے تھے ۔ آپ ﷺ نے فرمایا ” لوگو ! نبوت کی خوشخبریوں میں سے صرف اچھا خواب ہی باقی رہ گیا ہے جسے مسلمان دیکھ لیتا ہے یا ( کسی کے لیے ) اسے دکھا دیا جاتا ہے اور مجھے رکوع یا سجدے کی حالت میں قرآن پڑھنے سے منع کیا گیا ہے ۔ رکوع میں رب تعالیٰ کی عظمت اور سجدے میں دعا خوب کیا کرو ۔ یہ اس لائق ہوتی ہے کہ قبول کر لی جائے ۔ “
تشریح : حضرت ابو بکر رضی اللہ تعالیٰ عنہ کا مصلائے نبوی ﷺ پر کھڑے ہونا نبی کریم ﷺ کے لئے باعث اطمینان وتسکین ثابت ہوا تھا۔اور اسی کو ابو بکر کی خلافت کی احقیت (سب سے زیادہ حق دار ہونے)کا قرینہ سمجھا گیا ۔2۔اچھا خواب مسلمان کےلئے خوش خبری کا باعث ہوتا ہے۔جو بعض اوقات انسان خود دیکھتا ہے۔ یا کسی دوسرے مسلمان کو دکھا دیا جاتا ہے۔ 3۔اسی سے بعض علماء نے یہ دقیق سا استنباط کیا ہے۔ کے ایک مسلمان دوسرے مسلمان کے لئے استخارہ کرسکتاہے۔(نیز اگلی حدیث کے فوائد ملاحظہ فرمایئے)4۔رکوع اور سجدے میں قرآن کی تلاوت جائز نہیں5۔سجدے میں دعا بہت زیادہ ہونی چاہیے۔اس کی قبولیت کی بہت امید ہوتی ہے۔ حضرت ابو بکر رضی اللہ تعالیٰ عنہ کا مصلائے نبوی ﷺ پر کھڑے ہونا نبی کریم ﷺ کے لئے باعث اطمینان وتسکین ثابت ہوا تھا۔اور اسی کو ابو بکر کی خلافت کی احقیت (سب سے زیادہ حق دار ہونے)کا قرینہ سمجھا گیا ۔2۔اچھا خواب مسلمان کےلئے خوش خبری کا باعث ہوتا ہے۔جو بعض اوقات انسان خود دیکھتا ہے۔ یا کسی دوسرے مسلمان کو دکھا دیا جاتا ہے۔ 3۔اسی سے بعض علماء نے یہ دقیق سا استنباط کیا ہے۔ کے ایک مسلمان دوسرے مسلمان کے لئے استخارہ کرسکتاہے۔(نیز اگلی حدیث کے فوائد ملاحظہ فرمایئے)4۔رکوع اور سجدے میں قرآن کی تلاوت جائز نہیں5۔سجدے میں دعا بہت زیادہ ہونی چاہیے۔اس کی قبولیت کی بہت امید ہوتی ہے۔