كِتَابُ اللِّبَاسِ بابٌ فِي قَدْرِ مَوْضِعِ الْإِزَارِ صحیح حَدَّثَنَا حَفْصُ بْنُ عُمَرَ حَدَّثَنَا شُعْبَةُ عَنْ الْعَلَاءِ بْنِ عَبْدِ الرَّحْمَنِ عَنْ أَبِيهِ قَالَ سَأَلْتُ أَبَا سَعِيدٍ الْخُدْرِيَّ عَنْ الْإِزَارِ فَقَال عَلَى الْخَبِيرِ سَقَطْتَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِزْرَةُ الْمُسْلِمِ إِلَى نِصْفِ السَّاقِ وَلَا حَرَجَ أَوْ لَا جُنَاحَ فِيمَا بَيْنَهُ وَبَيْنَ الْكَعْبَيْنِ مَا كَانَ أَسْفَلَ مِنْ الْكَعْبَيْنِ فَهُوَ فِي النَّارِ مَنْ جَرَّ إِزَارَهُ بَطَرًا لَمْ يَنْظُرْ اللَّهُ إِلَيْهِ

کتاب: لباس سے متعلق احکام و مسائل باب: مرد کی چادر شلوار کہاں تک ہونی چاہیے ؟ جناب علاء بن عبدالرحمٰن اپنے والد سے روایت کرتے ہیں انہوں نے کہا کہ میں نے سیدنا ابو سعید خدری ؓ سے تہبند کے متعلق دریافت کیا ۔ تو انہوں نے کہا کہ صاحب علم و خبر سے تمہارا واسطہ پڑا ہے ۔ رسول اللہ ﷺ نے فرمایا ہے ” مسلمان کا تہبند آدھی پنڈلی تک ہوتا ہے ۔ آدھی پنڈلی سے ٹخنوں تک کے مابین میں کوئی حرج نہیں اور جو ٹخنوں سے نیچے ہو وہ آگ میں ہے ، جس نے تکبر سے اپنا تہبند گھسیٹا اللہ تعالیٰ اس کی طرف نہیں دیکھے گا ۔“
تشریح : 1 : مردوں کا اپنی شلوار،تہ بند یا پاجامے وغیرہ کو ٹخنوں سے نیچے رکھنا حرام ہے اور اپنی غفلت اور جہالت کی لایعنی تاویلات میں الجھنا تکبر ہے ۔ 2 : ٹخنوں سے نیچے پاوں ۔۔۔۔۔یا ۔۔۔۔لٹکنے والا کپڑا ۔۔۔۔۔ جہنم میں ہیں اورکپڑا اپنے پہننے والے کو بھی ساتھ گھسیٹ لے گا ۔ 3 : اللہ عزوجل کا بندے کی طرف نہ دیکھنا اظہار غضب کی علامت ہے 1 : مردوں کا اپنی شلوار،تہ بند یا پاجامے وغیرہ کو ٹخنوں سے نیچے رکھنا حرام ہے اور اپنی غفلت اور جہالت کی لایعنی تاویلات میں الجھنا تکبر ہے ۔ 2 : ٹخنوں سے نیچے پاوں ۔۔۔۔۔یا ۔۔۔۔لٹکنے والا کپڑا ۔۔۔۔۔ جہنم میں ہیں اورکپڑا اپنے پہننے والے کو بھی ساتھ گھسیٹ لے گا ۔ 3 : اللہ عزوجل کا بندے کی طرف نہ دیکھنا اظہار غضب کی علامت ہے