كِتَابُ اللِّبَاسِ بَابُ مَا جَاءَ فِي إِسْبَالِ الْإِزَارِ صحيح حَدَّثَنَا حَفْصُ بْنُ عُمَرَ حَدَّثَنَا شُعْبَةُ عَنْ عَلِيِّ بْنِ مُدْرِكٍ عَنْ أَبِي زُرْعَةَ بْنِ عَمْرِو بْنِ جَرِيرٍ عَنْ خَرَشَةَ بْنِ الْحُرِّ عَنْ أَبِي ذَرٍّ عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ قَالَ ثَلَاثَةٌ لَا يُكَلِّمُهُمْ اللَّهُ وَلَا يَنْظُرُ إِلَيْهِمْ يَوْمَ الْقِيَامَةِ وَلَا يُزَكِّيهِمْ وَلَهُمْ عَذَابٌ أَلِيمٌ قُلْتُ مَنْ هُمْ يَا رَسُولَ اللَّهِ قَدْ خَابُوا وَخَسِرُوا فَأَعَادَهَا ثَلَاثًا قُلْتُ مَنْ هُمْ يَا رَسُولَ اللَّهِ خَابُوا وَخَسِرُوا فَقَالَ الْمُسْبِلُ وَالْمَنَّانُ وَالْمُنَفِّقُ سِلْعَتَهُ بِالْحَلِفِ الْكَاذِبِ أَوْ الْفَاجِرِ

کتاب: لباس سے متعلق احکام و مسائل باب: تہبند ، شلوار اور پینٹ وغیرہ کا ٹخنے سے نیچے لٹکانا ( ناجائز ہے ) سیدنا ابوذر ؓ بیان کرتے ہیں کہ نبی کریم ﷺ نے فرمایا ” تین قسم کے افراد سے قیامت کے روز اللہ تعالیٰ کلام نہیں فرمائے گا ، نہ ان کی طرف دیکھے گا ، نہ انہیں پاک کرے گا اور ان کے لیے درد ناک عذاب ہے ۔ “ میں نے عرض کیا : اے اللہ کے رسول ! وہ کون ہوں گے ، بہت گھاٹے اور خسارے میں پڑے یہ لوگ ؟ آپ ﷺ نے اپنی بات تین بار دوہرائی ۔ میں نے عرض کیا : وہ کون لوگ ہیں ، اے اللہ کے رسول ! وہ بہت گھاٹے اور خسارے میں پڑے ؟ آپ ﷺ نے فرمایا ” کپڑا لٹکانے والا ( مرد جو ٹخنے سے نیچے کپڑا لٹکائے ) احسان کر کے جتلانے والا اور وہ جو جھوٹی قسم سے اپنا مال بیچے ۔ “
تشریح : احسان کرکے احسان جتلانا ،جھوٹی قسم سے مال بیچنا اور مردوں کے لئے ٹخنوں سئ نیچے کپڑالٹکانا حرام اور کبیرہ گناہ ہے ۔ احسان کرکے احسان جتلانا ،جھوٹی قسم سے مال بیچنا اور مردوں کے لئے ٹخنوں سئ نیچے کپڑالٹکانا حرام اور کبیرہ گناہ ہے ۔