كِتَابُ الْخَرَاجِ وَالْإِمَارَةِ وَالْفَيْءِ بَابٌ فِي بَيَانِ مَوَاضِعِ قَسْمِ الْخُمُسِ وَسَهْمِ ذِي الْقُرْبَىخمس صحیح حَدَّثَنَا أَحْمَدُ بْنُ صَالِحٍ حَدَّثَنَا عَنْبَسَةُ حَدَّثَنَا يُونُسُ عَنْ ابْنِ شِهَابٍ أَخْبَرَنِي عَبْدُ اللَّهِ بْنُ الْحَارِثِ ابْنِ نَوْفَلٍ الْهَاشِمِيُّ أَنَّ عَبْدَ الْمُطَّلِبِ بْنَ رَبِيعَةَ بْنِ الْحَارِثِ بْنِ عَبْدِ الْمُطَّلِبِ أَخْبَرَهُ أَنَّ أَبَاهُ رَبِيعَةَ بْنَ الْحَارِثِ وَعَبَّاسَ بْنَ عَبْدِ الْمُطَّلِبِ قَالَا لِعَبْدِ الْمُطَّلِبِ بْنِ رَبِيعَةَ وَلِلْفَضْلِ بْنِ عَبَّاسٍ ائْتِيَا رَسُولَ اللَّهِ صَلَّى اللَّهُ عَلَيْهِ وَسَلَّمَ فَقُولَا لَهُ يَا رَسُولَ اللَّهِ قَدْ بَلَغْنَا مِنْ السِّنِّ مَا تَرَى وَأَحْبَبْنَا أَنْ نَتَزَوَّجَ وَأَنْتَ يَا رَسُولَ اللَّهِ أَبَرُّ النَّاسِ وَأَوْصَلُهُمْ وَلَيْسَ عِنْدَ أَبَوَيْنَا مَا يُصْدِقَانِ عَنَّا فَاسْتَعْمِلْنَا يَا رَسُولَ اللَّهِ عَلَى الصَّدَقَاتِ فَلْنُؤَدِّ إِلَيْكَ مَا يُؤَدِّي الْعُمَّالُ وَلْنُصِبْ مَا كَانَ فِيهَا مِنْ مَرْفَقٍ قَالَ فَأَتَى عَلِيُّ بْنُ أَبِي طَالِبٍ وَنَحْنُ عَلَى تِلْكَ الْحَالِ فَقَالَ لَنَا إِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ لَا وَاللَّهِ لَا نَسْتَعْمِلُ مِنْكُمْ أَحَدًا عَلَى الصَّدَقَةِ فَقَالَ لَهُ رَبِيعَةُ هَذَا مِنْ أَمْرِكَ قَدْ نِلْتَ صِهْرَ رَسُولِ اللَّهِ صَلَّى اللَّهُ عَلَيْهِ وَسَلَّمَ فَلَمْ نَحْسُدْكَ عَلَيْهِ فَأَلْقَى عَلِيٌّ رِدَاءَهُ ثُمَّ اضْطَجَعَ عَلَيْهِ فَقَالَ أَنَا أَبُو حَسَنٍ الْقَرْمُ وَاللَّهِ لَا أَرِيمُ حَتَّى يَرْجِعَ إِلَيْكُمَا ابْنَايَ بِجَوَابِ مَا بَعَثْتُمَا بِهِ إِلَى النَّبِيِّ صَلَّى اللَّهُ عَلَيْهِ وَسَلَّمَ قَالَ عَبْدُ الْمُطَّلِبِ فَانْطَلَقْتُ أَنَا وَالْفَضْلُ إِلَى بَابِ حُجْرَةِ النَّبِيِّ صَلَّى اللَّهُ عَلَيْهِ وَسَلَّمَ حَتَّى نُوَافِقَ صَلَاةَ الظُّهْرِ قَدْ قَامَتْ فَصَلَّيْنَا مَعَ النَّاسِ ثُمَّ أَسْرَعْتُ أَنَا وَالْفَضْلُ إِلَى بَابِ حُجْرَةِ النَّبِيِّ صَلَّى اللَّهُ عَلَيْهِ وَسَلَّمَ وَهُوَ يَوْمَئِذٍ عِنْدَ زَيْنَبَ بِنْتِ جَحْشٍ فَقُمْنَا بِالْبَابِ حَتَّى أَتَى رَسُولُ اللَّهِ صَلَّى اللَّهُ عَلَيْهِ وَسَلَّمَ فَأَخَذَ بِأُذُنِي وَأُذُنِ الْفَضْلِ ثُمَّ قَالَ أَخْرِجَا مَا تُصَرِّرَانِ ثُمَّ دَخَلَ فَأَذِنَ لِي وَلِلْفَضْلِ فَدَخَلْنَا فَتَوَاكَلْنَا الْكَلَامَ قَلِيلًا ثُمَّ كَلَّمْتُهُ أَوْ كَلَّمَهُ الْفَضْلُ قَدْ شَكَّ فِي ذَلِكَ عَبْدُ اللَّهِ قَالَ كَلَّمَهُ بِالْأَمْرِ الَّذِي أَمَرَنَا بِهِ أَبَوَانَا فَسَكَتَ رَسُولُ اللَّهِ صَلَّى اللَّهُ عَلَيْهِ وَسَلَّمَ سَاعَةً وَرَفَعَ بَصَرَهُ قِبَلَ سَقْفِ الْبَيْتِ حَتَّى طَالَ عَلَيْنَا أَنَّهُ لَا يَرْجِعُ إِلَيْنَا شَيْئًا حَتَّى رَأَيْنَا زَيْنَبَ تَلْمَعُ مِنْ وَرَاءِ الْحِجَابِ بِيَدِهَا تُرِيدُ أَنْ لَا تَعْجَلَا وَإِنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ فِي أَمْرِنَا ثُمَّ خَفَضَ رَسُولُ اللَّهِ صَلَّى اللَّهُ عَلَيْهِ وَسَلَّمَ رَأْسَهُ فَقَالَ لَنَا إِنَّ هَذِهِ الصَّدَقَةَ إِنَّمَا هِيَ أَوْسَاخُ النَّاسِ وَإِنَّهَا لَا تَحِلُّ لِمُحَمَّدٍ وَلَا لِآلِ مُحَمَّدٍ ادْعُوا لِي نَوْفَلَ بْنَ الْحَارِثِ فَدُعِيَ لَهُ نَوْفَلُ بْنُ الْحَارِثِ فَقَالَ يَا نَوْفَلُ أَنْكِحْ عَبْدَ الْمُطَّلِبِ فَأَنْكَحَنِي نَوْفَلٌ ثُمَّ قَالَ النَّبِيُّ صَلَّى اللَّهُ عَلَيْهِ وَسَلَّمَ ادْعُوا لِي مَحْمِئَةَ بْنَ جَزْءٍ وَهُوَ رَجُلٌ مِنْ بَنِي زُبَيْدٍ كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ اسْتَعْمَلَهُ عَلَى الْأَخْمَاسِ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ لِمَحْمِئَةَ أَنْكِحْ الْفَضْلَ فَأَنْكَحَهُ ثُمَّ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ قُمْ فَأَصْدِقْ عَنْهُمَا مِنْ الْخُمُسِ كَذَا وَكَذَا لَمْ يُسَمِّهِ لِي عَبْدُ اللَّهِ بْنُ الْحَارِثِ

کتاب: محصورات اراضی اور امارت سے متعلق احکام و مسائل باب: خمس ( غنیمت کا پانچواں حصہ جو رسول اللہ ﷺ لیا کرتے تھے ) کہاں خرچ ہوتا تھا اور قرابت داروں کے حصے کا بیان جناب عبدالمطلب بن ربیعہ بن حارث بن عبدالمطلب نے بیان کیا کہ اس کے والد ربیعہ بن حارث اور عباس بن عبدالمطلب نے عبدالمطلب بن ربیعہ ( مجھ سے ) اور فضل بن عباس سے کہا : رسول اﷲ ﷺ کی خدمت میں جا کر درخواست کرو کہ اے اﷲ کے رسول ! ہم اس عمر کو پہنچ گئے ہیں جو آپ دیکھ رہے ہیں ( بھرپور جوان ہیں ) اور ہم شادیاں کرنا چاہتے ہیں اور آپ اے اﷲ کے رسول ! سب سے بڑھ کر حسن سلوک اور سب سے عمدہ صلہ رحمی کرنے والے ہیں ‘ ہمارے والدین کے پاس ہمارے حق مہر کے لیے کچھ نہیں ہے ‘ تو آپ اے اﷲ کے رسول ! ہمیں صدقات کا عامل بنا دیجئیے ‘ ہم وہی کریں گے جو دوسرے عامل کرتے ہیں اور ہمیں ہمارا حق الخدمت جو ہو گا مل جائے گا ۔ عبدالمطلب نے کہا : ہم یہی گفتگو کر رہے تھے کہ سیدنا علی بن ابی طالب ؓ آ گئے ‘ تو انہوں نے کہا : اﷲ کی قسم ! رسول اللہ ﷺ تم میں سے کسی کو صدقے پر عامل نہیں بنائیں گے ‘ تو ربیعہ نے ان سے کہا : یہ تمہاری بات ہے کہ تمہیں رسول اللہ ﷺ کی دامادی مل گئی ہے ‘ ہمیں تو اس پر تم سے کوئی حسد نہیں ہے ۔ پھر سیدنا علی ؓ نے اپنی چادر بچھائی اور اس پر لیٹ گئے اور کہنے لگے میں ابوالحسن ہوں اور معاملہ فہم بھی ! ( جیسے کہ بڑا اونٹ ہوتا ہے ) اﷲ کی قسم ! میں یہاں سے اس وقت تک نہیں جاؤں گا جب تک کہ تمہارے صاحبزادے جواب لے کر نہیں آ جاتے ‘ جس مقصد کے لیے آپ نے انہیں نبی کریم ﷺ کی خدمت میں بھیجا ہے ۔ عبدالمطلب کہتے ہیں چنانچہ میں اور فضل ( نبی کریم ﷺ کے دروازے کی طرف ) گئے ۔ ہم نے دیکھا کہ ظہر کا وقت ہو چکا ہے اور جماعت کھڑی ہو گئی ہے تو ہم نے لوگوں کے ساتھ مل کر نماز پڑھی ۔ پھر جلدی سے نبی کریم ﷺ کے حجرے کے دروازے کے پاس آ گئے ۔ آپ اس دن سیدہ زینب بنت حجش ؓ کے ہاں تھے ۔ ہم دروازے کے پاس کھڑے ہو گئے حتیٰ کہ رسول اللہ ﷺ تشریف لے آئے ۔ پس آپ ﷺ نے ( پیار سے ) میرے اور فضل کے کان پکڑ لیے اور فرمایا ” نکالو جو تمہارے جی میں ہے ۔ “ پھر آپ اندر تشریف لے گئے اور ہمیں اندر آنے کی اجازت دی تو ہم اندر چلے گئے ۔ اور ہم تھوڑی دیر تک بات کرنے کو ایک دوسرے پر ٹالتے رہے ( میں کہتا کہ تم بات کرو وہ کہتا کہ تم کرو ) بالآخر آپ ﷺ سے میں نے بات کی یا فضل نے ، عبداللہ بن حارث کو شک ہے ۔ اور ہمارے باپوں نے جو کہا تھا ہم نے آپ کے گوش گزار کر دیا ‘ تو رسول اللہ ﷺ ایک گھڑی کے لیے خاموش ہو گئے ۔ آپ نے اپنی نظر چھت کی طرف اٹھائی ہوئی تھی ۔ حتیٰ کہ بہت وقت گزر گیا اور آپ ہمیں کوئی جواب نہیں دے رہے تھے ۔ حتیٰ کہ ہم نے دیکھا کہ ام المؤمنین زینب ؓا نے پردے کے پیچھے سے ہمیں اشارہ کیا یعنی جلدی مت کرو ‘ رسول اللہ ﷺ تمہارے ہی بارے میں فکر کر رہے ہیں ۔ پھر رسول اﷲ ﷺ نے اپنا سر جھکایا اور فرمایا ” یہ صدقہ تو لوگوں کا میل کچیل ہے اور یہ محمد اور آل محمد کے لیے حلال نہیں ہے ۔ نوفل بن حارث کو میرے پاس بلا لاؤ ۔ “ چنانچہ انہیں بلایا گیا ۔ آپ نے ان سے کہا : ” نوفل ! عبدالمطلب سے ( اپنی بیٹی کا ) نکاح کر دو ۔ “ چنانچہ نوفل نے میرے ساتھ ( اپنی بیٹی کا ) نکاح کر دیا ۔ پھر نبی کریم ﷺ نے فرمایا ” محمیہ بن جزء کو بلا لاؤ “ وہ بنو زبیدہ میں سے تھے ۔ اور ان کو رسول اللہ ﷺ نے خمس کا نگران بنایا ہوا تھا ۔ آپ نے اس سے کہا : ” محمیہ ! فضل سے ( اپنی بیٹی کا ) نکاح کر دو ۔ “ چنانچہ اس نے بھی کر دیا ۔ پھر رسول اﷲ ﷺ نے اس سے فرمایا ” اٹھو اور انہیں خمس میں سے اتنا اتنا حق مہر ادا کر دو ۔ “ زہری کہتے ہیں کہ عبداللہ بن حارث نے مجھے اس کی مقدار بیان نہیں کی تھی ۔
تشریح : 1۔رسول اللہ صلی اللہ علیہ وسلم نے ان صدقات کا عامل نہ بنایا۔البتہ خمس میں سے ان کی شادیوں کےلئے خرچ فرمایا۔اسی طریقے پر حضرت ابو بکر رضی اللہ تعالیٰ عنہ اورحضرت عمر رضی اللہ تعالیٰ عنہ کے زمانے تک عمل رہا۔2۔اس مقصد کےلئے بیت المال سے مادی تعاون دینا جائز ہے۔ جیسے کہ اہل بیت کےلئے خمس سے لینا جائز تھا۔اوررسول اللہ صلی اللہ علیہ وسلم حسب مصلحت اسے خرچ فرمایا کرتے تھے۔ 1۔رسول اللہ صلی اللہ علیہ وسلم نے ان صدقات کا عامل نہ بنایا۔البتہ خمس میں سے ان کی شادیوں کےلئے خرچ فرمایا۔اسی طریقے پر حضرت ابو بکر رضی اللہ تعالیٰ عنہ اورحضرت عمر رضی اللہ تعالیٰ عنہ کے زمانے تک عمل رہا۔2۔اس مقصد کےلئے بیت المال سے مادی تعاون دینا جائز ہے۔ جیسے کہ اہل بیت کےلئے خمس سے لینا جائز تھا۔اوررسول اللہ صلی اللہ علیہ وسلم حسب مصلحت اسے خرچ فرمایا کرتے تھے۔