كِتَابُ الْمَنَاسِكِ بَابُ مَنْ لَمْ يُدْرِكْ عَرَفَةَ صحیح حَدَّثَنَا مُسَدَّدٌ حَدَّثَنَا يَحْيَى عَنْ إِسْمَعِيلَ حَدَّثَنَا عَامِرٌ أَخْبَرَنِي عُرْوَةُ بْنُ مُضَرِّسٍ الطَّائِيُّ قَالَ أَتَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ بِالْمَوْقِفِ يَعْنِي بِجَمْعٍ قُلْتُ جِئْتُ يَا رَسُولَ اللَّهِ مِنْ جَبَلِ طَيِّئٍ أَكْلَلْتُ مَطِيَّتِي وَأَتْعَبْتُ نَفْسِي وَاللَّهِ مَا تَرَكْتُ مِنْ حَبْلٍ إِلَّا وَقَفْتُ عَلَيْهِ فَهَلْ لِي مِنْ حَجٍّ فَقَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ أَدْرَكَ مَعَنَا هَذِهِ الصَّلَاةَ وَأَتَى عَرَفَاتَ قَبْلَ ذَلِكَ لَيْلًا أَوْ نَهَارًا فَقَدْ تَمَّ حَجُّهُ وَقَضَى تَفَثَهُ

کتاب: اعمال حج اور اس کے احکام و مسائل باب: جو شخص وقوف عرفات نہ پا سکے ؟ سیدنا عروہ بن مضرس طائی ؓ بیان کرتے ہیں کہ میں مزدلفہ میں وقوف کے وقت رسول اللہ ﷺ کی خدمت میں حاضر ہوا اور عرض کیا : اے اﷲ کے رسول ! میں قبیلہ طے کے دو پہاڑوں سے آیا ہوں ۔ میں نے اپنی سواری کو ہلکان کیا ہے اور اپنے آپ کو بہت تھکایا ہے ۔ قسم اﷲ کی ! میں نے کوئی ٹیلہ ( یا پہاڑ ) نہیں چھوڑا مگر اس پر وقوف کیا ہے ۔ تو کیا میرا حج ہو گیا ؟ رسول اللہ ﷺ نے فرمایا ” جس نے ہمارے ساتھ یہ نماز ( فجر ) پا لی اور اس سے پہلے وہ رات یا دن میں عرفات میں حاضر ہو چکا ہے تو اس کا حج پورا ہو گیا اور اس نے اپنا میل کچیل دور کر لیا ( اس نے مناسک حج پورے کر لیے ۔ اب مابعد کے دیگر اعمال حج پورے کر کے اپنا احرام کھول دے ) “ ۔