Book - حدیث 1054

کِتَابُ تَفْرِيعِ أَبْوَابِ الْجُمُعَةِ بَابُ كَفَّارَةِ مَنْ تَرَكَهَا ضعیف حَدَّثَنَا مُحَمَّدُ بْنُ سُلَيْمَانَ الْأَنْبَارِيُّ، حَدَّثَنَا مُحَمَّدُ بْنُ يَزِيدَ وَإِسْحَقُ بْنُ يُوسُفَ، عَنْ أَيُّوبَ أَبِي الْعَلَاءِ، عَنْ قَتَادَةَ، عَنْ قُدَامَةَ بْنِ وَبَرَةَ، قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: >مَنْ فَاتَهُ الْجُمُعَةُ مِنْ غَيْرِ، عُذْرٍ فَلْيَتَصَدَّقْ بِدِرْهَمٍ، أَوْ نِصْفِ دِرْهَمٍ أَوْ صَاعِ حِنْطَةٍ، أَوْ نِصْفِ صَاعٍ<. قَالَ أَبو دَاود: رَوَاهُ سَعِيدُ بْنُ بَشِيرٍ، عَنْ قَتَادَةَ هَكَذَا إِلَّا أَنَّهُ قَالَ مُدًّا أَوْ نِصْفَ مُدٍّ. وَقَالَ عَنْ سَمُرَةَ. قَالَ أَبو دَاود: سَمِعْت أَحْمَدَ بْنَ حَنْبَلٍ يُسْأَلُ عَنِ اخْتِلَافِ هَذَا الْحَدِيثِ فَقَالَ هَمَّامٌ عِنْدِي أَحْفَظُ مِنْ أَيُّوبَ يَعْنِي أَبَا الْعَلَاءِ.

ترجمہ Book - حدیث 1054

کتاب: جمعۃ المبارک کے احکام ومسائل باب: جمعہ چھوڑنے کا کفارہ قدامہ بن وبرہ سے روایت ہے کہتے ہیں کہ رسول اللہ ﷺ نے فرمایا ” جس شخص سے بغیر کسی عذر کے ایک جمعہ رہ گیا ہو ، تو وہ ایک درہم یا آدھا درہم یا ایک صاع یا آدھا صاع گندم صدقہ کرے ۔ “ امام ابوداؤد ؓ کہتے ہیں کہ اس کو سعید بن بشیر نے قتادہ ( راوی ) سے ایسے ہی روایت کیا ہے مگر اس نے ایک مد یا آدھا مد کہا ہے اور سیدنا سمرہ بن جندب ؓ سے روایت کیا ہے ۔ امام ابوداؤد ؓ کہتے ہیں : میں نے امام احمد بن حنبل ؓ سے سنا ، ان سے اس حدیث میں اختلاف کے بارے میں سوال کیا گیا تھا ، تو انہوں نے کہا : میرے نزدیک ایوب یعنی ابو العلاء کی نسبت ہمام احفظ ہے ۔ ( یعنی زیادہ یاد رکھنے والا ہے ۔ ) اس باب کی دونوں حدیثیں ضعیف ہیں۔اس لئے ان سے وہ کفارہ ثابت نہیں ہوتا جو ان میں بیان ہوا ہے۔تاہم بغیر عذر شرعی کے جمعہ چھوڑنا سخت گناہ ہے۔