زنا کی سنگینی اور اس کے برے اثرات

۔۷۔ ضمام رضی اللہ عنہ کا زمانہ جاہلیت میں فواحش سے دُور رہنا حضرت ابوہریرہ نے حضرت ضمام رضی اللہ عنہما کے حوالے سے روایت نقل کی ہے، کہ انھوں نے نبی کریم صلی اللہ علیہ وسلم کی خدمت میں عرض کیا: ’’فَأَمَّا ہٰذِہِ الْہَنَاۃُ،[1] فَوَ اللّٰہِ! إِنْ کُنَّا لَنَتَنَزَّہُ عَنْہَا فِيْ الْجَاہِلِیَّۃِ۔‘‘[2] ’’جہاں تک بے حیائی کی ان باتوں کا تعلق ہے، تو واللہ! ہم تو ان سے زمانہ جاہلیت میں (بھی) دور رہتے تھے۔‘‘ ۔۸۔اندیشہ زنا کے سبب بعض صحابہ کا خصی ہونے کی اجازت طلب کرنا اس بارے میں دو روایتیں ذیل میں ملاحظہ فرمائیے: ا: امام بخاری نے حضرت ابوہریرہ رضی اللہ عنہ کے حوالے سے روایت نقل کی ہے، کہ انھوں نے بیان کیا: ’’میں نے عرض کیا: ’’یَا رَسُولَ اللّٰہِ ۔ صلي اللّٰه عليه وسلم ۔ إِنِّی رَجُلٌ شَابٌّ، وَأَنَا أَخَافُ عَلٰی نَفْسِی الْعَنَتَ، وَلَا أَجِدُ مَا أَتَزَوَّجُ بِہِ النِّسَائَ۔ [’’یا رسول اللہ۔ صلی اللہ علیہ وسلم ۔! بلاشبہ میں جوان آدمی ہوں اور مجھے اپنے بارے میں زنا (میں مبتلا ہونے) کا خدشہ رہتا ہے اور اس میں اپنے پاس ایسی چیز نہیں پاتا، جس کے ساتھ میں خواتین سے شادی کرسکوں۔‘‘]

[1] المرجع السابق ۸/۴۸۸۔ [2] المسند، جزء من رقم الحدیث ۴۳۷، ۱/۴۹۱؛ وسنن أبي داود، کتاب الدیّات، باب الإمام یأمر بالعفو في الدم، جزء من رقم الحدیث ۴۴۹۱، ۱۲/۱۴۰؛ جامع الترمذي، أبواب الفتن، باب ما جاء لا یحلّ دم امریء مسلم إلا بإحدی ثلاث، جزء من رقم الحدیث ۲۲۴۷، ۶/۳۱۱۔۳۱۲؛ وسنن النسائي، کتاب تحریم الدم، ذکر ما یحلّ بہ دم المسلم، ۷/۹۲؛ وسنن ابن ماجہ، أبواب الحدود، باب لا یحل دم امریء مسلم إلا في ثلاث، جزء من رقم الحدیث ۲۵۳۳، ص ۴۲۴۔ الفاظِ حدیث سنن ابی داؤد کے ہیں۔ شیخ البانی اور شیخ عصام موسیٰ ہادی نے اسے [صحیح] کہا ہے۔ شیخ ارناؤوط اور ان کے رفقاء نے المسند کی سند کو [صحیحین کی شرط پر صحیح] قرار دیا ہے۔ (ملاحظہ ہو: صحیح سنن ابن ماجہ ۲/۷۷؛ وہامش سنن ابن ماجہ للشیخ عصام ص ۴۲۴؛ وہامش المسند ۱/۴۹۱)۔ نیز ملاحظہ ہو: إنجاز الحاجۃ ۷/۵۷۵۔