کتاب: ذکر مصطفٰی صلی اللہ علیہ وسلم - صفحہ 144
قبر رسول صلی اللہ علیہ وسلم پر درود
٭ عبداللہ بن دینار رحمہ اللہ بیان کرتے ہیں :
رَأَیْتُ عَبْدَ اللّٰہِ بْنَ عُمَرَ یَقِفُ عَلٰی قَبْرِ النَّبِيِّ صَلَّی اللّٰہُ عَلَیْہِ وَسَلَّمَ، فَیُصَلِّي عَلَی النَّبِيِّ صَلَّی اللّٰہُ عَلَیْہِ وَسَلَّمَ، وَعَلٰی أَبِي بَکْرٍ وَّعُمَرَ ۔
’’میں نے سیدنا عبد اللہ بن عمر رضی اللہ عنہما کو دیکھا کہ آپ نبی اکرم صلی اللہ علیہ وسلم کی قبر پر کھڑے ہو کر درود پڑھتے اور سیدنا ابوبکر وعمر رضی اللہ عنہما کو سلام کہتے تھے۔‘‘
(المؤطّأ للإمام مالک : 1/166، السّنن الکبرٰی للبیہقي : 5/245، وسندہٗ صحیحٌ)
یہ بعینہٖ وہی سلام ہے، جو قبرستان میں فوت شدگان کو کہا جاتا ہے۔
سیّدنا عبداللہ بن عمر رضی اللہ عنہما سفر سے واپس آتے، تو قبر رسول صلی اللہ علیہ وسلم پر جا کر کہتے:
السَّلَامُ عَلَیْکَ یَا رَسُولَ اللّٰہِ، السَّلَامُ عَلَیْکَ یَا أَبَا بَکْرٍ، السَّلَامُ عَلَیْکَ یَا أَبَتَاہُ ۔
’’اے اللہ کے رسول! آپ پر سلامتی ہو، اے ابو بکر! آپ پرسلامتی ہو اور ابا جان! آپ پر سلامتی ہو۔‘‘
(فضل الصّلاۃ علی النبيّ للقاضي إسماعیل بن إسحاق، ص 81۔82، ح : 99؛ السّنن الکبرٰی للبیہقي : 5/245، وسندہٗ صحیحٌ)