ضوابط الجرح والتعدیل

رم المنکی میں دو تین صفحات پر مشتمل رد کیا ۔[1]اور ان کے حوالے سے حافظ ابن حجر رحمہ اللہ نے لسان المیزان کے مقدمے میں اور پہلی جلد کے آخر میں ایوب کے ترجمے میں اس مؤقف پر رد کیا ہے۔ [2] بہرحال یہ اصول کسی کی توثیق ثابت کرنے کے لئے کافی نہیں ہے۔ ۲۔توثیق راوی کے حوالے سے امام حاکم رحمہ اللہ کا تساہل: امام حاکم رحمہ اللہ کے ایک کلام سے معلوم ہوتا ہے کہ ان کا مؤقف بھی یہی ہے۔جیسا کہ ایک حدیث کے بارے میں فرمایا: ’’صحیح الاسناد فان ابا صالح الخوزی و ابا الملیح الفارسی لم یذکرا بالجرح انما ھما فی عدد المجھولین لقلۃ الحدیث‘‘ [3] یعنی: یہ حدیث صحیح الاسناد ہے، ابوصالح الخوزی اور ابوالملیح الفارسی کے بارے میں کوئی جرح مذکور نہیں ہے،یہ دونوں قلتِ حدیث کی وجہ سے مجہولین میں سے شمار ہوں گے ۔ مذکورہ قول میں امام حاکم رحمہ اللہ نے صحیح الاسناد کہنے کے بعد ان رواۃ کے بارے میں یہ کہا کہ

[1] الصارم المنكي: ۳۷۴ تا ۳۷۶، طبع دارالکتب پشاور ،علامہ ابن عبدالھادی رحمہ اللہ نے بعض رواۃ کی مثالیں بھی دی ہیں کہ جنہیں ابن حبان رحمہ اللہ خود کتاب الثقات میں نقل کرتے ہیں اور ان کے احوال سے بے خبر ہوتے ہیں۔جیسے: سهل يروي عن شداد بن الهاد ، ان کے بارے میں فرماتے ہیں :’’ولست أعرفه، ولا أدري من أبوه‘‘ حنظلہ کے بارے میں فرماتے ہیں : ’’حنظلةشيخ يروي المراسيل لا أدري من هو‘‘ الحسن ابو عبد الله کے بارے میں :’’ شيخ يروي المراسيل، روى عنه أيوب النجار لا أدري من هو ولا ابن من ھو‘‘ جميل کے بارے میں ’’شيخ يروي عن أبي المليح بن أسامة، روى عنه عبد الله بن عون، لا أدري من هو ولا ابن من هو‘‘ یہ چند مثالوں سمیت مزید بحث اس حوالے سے علامہ ابن عبدالھادی رحمہ اللہ نے کی ہے۔ [2] لسان الميزان:جلد۱ ص ۹۳، ۹۴، دار المؤيد، ترجمة أيوب الأنصاري: (۲/۱۸۶) ترجمة ۱۵۳۸۲۔ [3] مستدرک حاکم : ۱/۴۹۱ ،كتاب الدعاء والتكبير والتهليل والتسبيح والذكر