زکوۃ ، عشر اور صدقۃالفطر فضائل احکام و مسائل

سے حسن سلوک کرتا ہوں ، لیکن وہ بدسلوکی سے پیش آتے ہیں ۔ میں ان کے معاملات میں بردباری سے کام لیتا ہوں ، لیکن وہ میرے ساتھ جہالت پر اتر آتے ہیں ، (اب میں کیا کروں ؟) آپ نے فرمایا: ((لَئِنْ کُنْتَ کَمَا قُلْتَ، فَکَأَنَّمَا تُسِقُّہُمُ الْمَلَّ، وَ لَا یَزَالُ مَعَکَ مِنَ اللّٰہِ ظَہِیرٌ عَلَیْہِمْ، مَا دُمْتَ عَلٰی ذٰلِکَ)) ’’تیرا طرزِ عمل اگر فی الواقع ایسا ہی ہے، جیسا تو نے کہا ہے، تو گویا تو ان کے منہ میں گرم راکھ ڈال رہا ہے، (یعنی اس کا نتیجہ ان کے حق میں بہت برا ہے) اور جب تک تیرا طرزِ عمل ایسا رہے گا، تیرے ساتھ اللہ تعالیٰ کی طرف سے ایک خاص مددگار رہے گا۔‘‘[1] 12. غربت وناداری اور گداگری کے خاتمے کے لیے بہترین تدبیر اہل قرابت کے بارے میں جو احکام بیان ہوئے ہیں ، اگر مسلمان ان پر صحیح معنوں میں عمل کریں تو ایک اسلامی معاشرے میں غربت و ناداری اور گداگری کے خاتمے کی یہ سب سے بہتر تدبیر ہے، اس لیے کہ ہر خاندان میں جتنے بھی یتیم، بیوائیں ، معذور، بیمار اور بے سہارا یا کثیر العیال قسم کے افراد ہوتے ہیں ، وہ خاندان کے دوسرے افراد کے علم میں ہوتے ہیں ۔ اگر ہر خاندان کے اصحابِ حیثیت لوگ اپنے خاندان کے مذکورہ قسم کے افراد کی خبرگیری اور کفالت کریں ، جیسا کہ اسلام کی تعلیم ہے، تو ہر ضرورت مند کی ضروریات نہایت خاموشی اور آبرومندانہ طریقے سے

[1] صحیح مسلم، البر والصلۃ، باب صلۃ الرحم، و تحریم قطیعتہا، حدیث: 2558۔