زکوۃ ، عشر اور صدقۃالفطر فضائل احکام و مسائل

’’بے شک اللہ نے ہر حق دار کو اس کا حق عطا فرمادیا ہے، لہٰذا وارث کے لیے وصیت نہیں ہے۔‘‘[1] صدقۂ جاریہ وہ ہے جسے انسان خود اپنی طرف سے دے سوال : کیا صدقۂ جاریہ وہ ہے جسے انسان نے خود اپنی زندگی میں کیا ہو، یا صدقۂ جاریہ وہ بھی ہے، جو اس کی وفات کے بعد اس کی طرف سے اس کے وارث کریں ؟ جواب : نبی صلی اللہ علیہ وسلم کے فرمان: ((إِلَّا مِنْ صَدَقَۃٍ جَارِیَۃٍ)) ’’سوائے صدقۂ جاریہ کے۔‘‘[2] سے بظاہر یوں معلوم ہوتا ہے کہ صدقۂ جاریہ وہ ہے جسے انسان خود اپنی طرف سے کرے اور وہ صدقۂ جاریہ نہیں ہے، جو اس کے بعد اس کی طرف سے اس کی اولاد کرے کیونکہ اولاد کے حوالے سے تو نبی صلی اللہ علیہ وسلم نے فرمایا: ((وَلَدٍ صَالِحٍ یَدْعُو لَہُ)) ’’نیک اولاد جو اس کے لیے دعا کرے۔‘‘[3]

[1] سنن أبي داود، الوصایا، باب ماجاء في الوصیۃ للوارث، حدیث: 2870، و جامع الترمذي، الوصایا، باب ماجاء لا وصیۃ لوارث، حدیث: 2120۔ [2] صحیح مسلم، الوصیۃ، باب ما یلحق الإنسان من الثوب بعد وفاتہ، حدیث: 4223، (14)1631۔ [3] صحیح مسلم، الوصیۃ، باب ما یلحق الإنسان من الثوب بعد وفاتہ، حدیث: 4223، (14)1631۔