زکوۃ ، عشر اور صدقۃالفطر فضائل احکام و مسائل

جاتے ہیں ۔ (بلکہ کئی علماء تو زکاۃ کی ادائیگی کے لیے تملیک کو شرط قرار دیتے ہیں ) حالانکہ اس مال کے پیدا کرنے میں ان کی محنت کا کوئی حصہ نہیں ہوتا۔ اس لیے آیت کا ایسا مفہوم جو قرآن ہی کے دیگر احکام و قوانین سے ٹکرائے کیونکر صحیح ہو سکتا ہے؟ اور یوں ذاتی و زمینی ملکیت کی نفی کا اثبات، خود قرآن کے متعدد احکام کی نفی کیے بغیر نہیں ہو سکتا۔ اسی لیے تو علماء کہتے ہیں حدیث کا انکار، قرآن کے انکار کو بھی مستلزم ہے اور حجیت حدیث کا منکر ٹولہ قرآن کا بھی منکر ہے۔ یہی حال دیگر آیات کا ہے جن سے دجل و تحریف کر کے اداریے میں کام لیا گیا ہے۔ سب کا جائزہ لیا جائے تو مضمون بہت طویل ہو جائے گا، مذکورہ آیت کی وضاحت ہی سے بخوبی اداریہ نگار کے مبلغ علم، اندازِ استدلال اور قرآنی تحریف کا اندازہ لگایا جاسکتا ہے۔ مقصد اس کی اس ساری کدوکاوش کا یہ ہے کہ زکاۃ کے اُس مفہوم سے انکار کر دیا جائے جس پر قرآن و حدیث کی روشنی میں آج تک مسلمان عامل چلے آرہے ہیں اس لیے کہ اس مفہوم سے بہر حال ذاتی ملکیت ہی کا اثبات ہوتا ہے جسے اشتراکیت گوارا نہیں کرتی اور ’’مفکر قرآن‘‘ ہیں کہ ’’قرآنی نظام ربوبیت‘‘ کے عنون سے اشتراکیت کو اسلامی معاشرے میں نافذ کرانے کے درپے ہیں ۔ اس لیے بیچارے مجبور ہیں کہ احادیث صحیحہ کا انکار کیا جائے، تعامل و تواتر امت کو نظر انداز کیا جائے۔ اس سے بھی کام بنتا نظر نہ آئے تو آیات میں معنوی تحریف کر کے مطلب برآری کر لی جائے۔ اقبال مرحوم نے ایسے ہی ’’مفکرین‘‘ کے لیے مختلف موقعوں پر کہا تھا ؎ خود بدلتے نہیں ، قرآں کو بدل دیتے ہیں کس درجہ ہوئے فقیہانِ حرم بے توفیق