زاد الخطیب (جلد2)

عَصَتْ زَوْجَہَا حَتّٰی تَرْجِعَ[1])) ’’دو آدمیوں کی نماز ان کے سروں سے اوپر نہیں جاتی ۔ ایک اپنے آقاؤں سے بھاگا ہوا غلام یہاں تک کہ وہ واپس آجائے اور دوسری وہ عورت جو اپنے خاوند کی نافرمان ہو یہاں تک کہ وہ اس کی فرمانبرداربن جائے ۔‘‘ ہاں یہ بات یاد رہے کہ خاوند کی اطاعت اس وقت تک ضروری ہے جب تک اللہ تعالیٰ کی نافرمانی نہ ہو اور اگر خاوند کسی ایسی بات کا حکم دے جس میں اللہ تعالیٰ کی نافرمانی ہو تو اس میں خاوند کی اطاعت ہرگز نہیں ہو گی۔ جیسا کہ رسول اللہ صلی اللہ علیہ وسلم کا ارشاد گرامی ہے : (( لَا طَاعَۃَ لِأَحَدٍ فِیْ مَعْصِیَۃِ اللّٰہِ ،إِنَّمَا الطَّاعَۃُ فِیْ الْمَعْرُوْفِ[2])) ’’اللہ تعالیٰ کی نافرمانی میں کسی کی اطاعت نہیں ۔ اطاعت تو صرف نیکی کے کاموں میں ہے ۔ ‘‘ 3۔بیوی خاوند کی اجازت کے بغیر نفلی روزہ نہ رکھے بیوی پر خاوند کا ایک حق یہ ہے کہ وہ اس کی اجازت کے بغیر نفلی روزہ نہ رکھے ۔ جیسا کہ رسول اللہ صلی اللہ علیہ وسلم کا ارشاد گرامی ہے : (( لَا یَحِلُّ لِلْمَرْأَۃِ أَنْ تَصُوْمَ وَزَوْجُہَا شَاہِدٌ إِلَّا بِإِذْنِہٖ[3])) ’’کسی عورت کیلئے حلال نہیں کہ وہ خاوند کی موجودگی میں اس کی اجازت کی بغیر ( نفلی ) روزہ رکھے۔ ‘‘ 4۔ بیوی خاوند کے مال اور اس کی جائیداد کی حفاظت کرے بیوی پر خاوند کا ایک حق یہ ہے کہ وہ اس کے مال اور جائیداد کی حفاظت کرے اور خاوند کی اجازت کے بغیر اس کے مال میں کوئی تصرف نہ کرے ۔ حضرت ابو امامہ الباہلی رضی اللہ عنہ کہتے ہیں کہ رسول اللہ صلی اللہ علیہ وسلم نے خطبہ حجۃ الوداع میں فرمایا تھا : (( لَا تُنْفِقِ الْمَرْأَۃُ شَیْئًا مِنْ بَیْتِ زَوْجِہَا إِلَّا بِإِذْنِ زَوْجِہَا،قِیْلَ:یَا رَسُوْلَ اللّٰہِ! وَلَا الطَّعَامَ ؟ قَالَ : ذَاکَ أَفْضَلُ أَمْوَالِنَا [4]))

[1] صحیح الترغیب والترہیب للألبانی:1948 [2] متفق علیہ [3] صحیح البخاری،النکاح باب لا تأذن المرأۃ فی بیت زوجہا:5195،صحیح مسلم، الزکاۃ :1026 [4] أحمد:267/5،سنن الترمذی،الزکاۃ باب فی نفقۃ المرأۃ من بیت زوجہا670،سنن ابن ماجہ، التجارات باب ما للمرأۃ من مال زوجہا:2295، وحسنہ الألبانی فی صحیح سنن ابن ماجہ :1873