زاد الخطیب (جلد1)

سنائی ہے کہ وہ جنت میں داخل نہیں ہونگی ۔ حضرت ابو ہریرہ رضی اللہ عنہ بیان کرتے ہیں کہ رسول اکرم صلی اللہ علیہ وسلم نے ارشاد فرمایا : (( صِنْفَانِ مِنْ أَہْلِ النَّارِ لَمْ أَرَہُمَا:قَوْمٌ مَعَہُمْ سِیَاطٌ کَأَذْنَابِ الْبَقَرِ یَضْرِبُوْنَ بِہَا النَّاسَ،وَنِسَائٌ کَاسِیَاتٌ عَارِیَاتٌ مُمِیْلَاتٌ مَائِلَاتٌ،وَرُؤُوسُہُنَّ کَأَسْنِمَۃِ الْبُخْتِ الْمَائِلَۃِ، لَا یَدْخُلْنَ الْجَنَّۃَ وَلَا یَجِدْنَ رِیْحَہَا وَإِنَّ رِیْحَہَا لَتُوجَدُ مِنْ مَّسِیْرَۃِ کَذَا وَکَذَا[1])) ’’ دو قسم کے جہنمیوں کو میں نے نہیں دیکھا ہے ۔ ایک تو وہ لوگ ہیں جن کے پاس گائے کی دموں کی مانند کوڑے ہو نگے جن سے وہ لوگوں کو ہانکیں گے۔ اور دوسری وہ خواتین ہیں جو ایسا لباس پہنیں گی کہ گویا برہنہ معلوم ہو نگی۔ لوگوں کے دلوںکو اپنی طرف لبھانے والی اور خود ان پر فریفتہ ہونے والی ہو نگی ، ان کے سر بختی اونٹوں کی کہانوں کی مانند ایک طرف جھکے ہو نگے ۔ ایسی عورتیں جنت میں داخل نہیں ہو نگی اور نہ اس کی خوشبو پائیں گی حالانکہ اس کی خوشبو تو بہت دور سے محسوس کی جائے گی۔ ‘‘ اسی طرح رسول اللہ صلی اللہ علیہ وسلم کا ارشاد گرامی ہے : (( أَیُّمَا امْرَأَۃٍ اِسْتَعْطَرَتْ فَمَرَّتْ بِالْقَوْمِ لِیَجِدُوْا رِیْحَہَا فَہِیَ زَانِیَۃٌ)) [2] ’’ جو عورت خوشبو لگا کر لوگوں کے پاس سے گذرے تاکہ وہ اس کی خوشبو کو محسوس کر سکیں تو وہ بد کار عورت ہے۔ ‘‘ 6۔ اقرباء اور فقراء ومساکین کے حقوق کا خیال نہ رکھنا بہت سارے لوگ ایام عید کے دوران خوب کھاتے پیتے ، زرق برق لباس پہنتے اور خوشی کا اظہار کرتے ہیں لیکن اپنے رشتہ داروں اور فقراء ومساکین کو بھول جاتے ہیں ۔جبکہ اسلام ہمیں اِس بات کی ترغیب دیتا ہے کہ ہم ان خوشیوں میں اقرباء اور فقراء ومساکین کو بھی شامل کریں ۔ نبی کریم صلی اللہ علیہ وسلم کا ارشاد ہے : (( لَا یُؤْمِنُ أَحَدُکُمْ حَتّٰی یُحِبَّ لِأَخِیْہِ مَا یُحِبُّ لِنَفْسِہٖ [3]))

[1] صحیح مسلم،الجنۃ،باب النار یدخلہا الجبارون:2128 [2] سنن أبی داؤد،الترجل،باب فی طیب المرأۃ :4167،الترمذی،الإستئذان،باب ما جاء فی کراہیۃ خروج المرأۃ متعطرۃ:2937،سنن النسائی،الزینۃ،باب ما یکرہ للنساء من الطیب :5126۔ وحسنہ الألبانی [3] صحیح البخاری:13،صحیح مسلم:45